ചീവയ്ക്ക അഥവാ ഷിക്കാക്കായ്

 നൂറുകണക്കിനു വർഷങ്ങളായി ഇന്ത്യയിൽ കേശ സംരക്ഷണത്തിനായി ചീവയ്ക്ക അഥവാ ഷിക്കാക്കായ് ഉപയോഗിക്കുന്നു. വിറ്റാമിൻ എ, സി, ഡി, ഇ, കെ എന്നിവയുടെ സമ്പന്നമായ ഉറവിടമാണ് ചീവയ്ക്ക മരത്തിന്റെ കായ്കൾ, ഇലകൾ, പുറംതൊലി എന്നിവ. മുടി വൃത്തിയാക്കാൻ ഇത് ഷാംപൂ രൂപത്തിൽ ഉപയോഗിക്കാം, ഹെയർ ഓയിൽ നിർമ്മിക്കാനും ഹെയർ മാസ്കുകൾ പോലെയും ഇവ ഉപയോഗിക്കാം. മുടി വേഗത്തിൽ വളരാനും മുടിക്ക് പോഷണം നൽകുവാനും ഇവ സഹായകമാണ്. 

എന്താണ് ചീവയ്ക്കയും അതിന്റെ ഔഷധ ഗുണങ്ങളും?
വിറ്റാമിനുകളും ആന്റി ഓക്‌സിഡന്റുകളും നിറഞ്ഞ ഈ സസ്യം മുടിയുടെ വളർച്ചയും തിളക്കവും ഉള്ളും വർദ്ധിപ്പിക്കുവാൻ സഹായിക്കുന്നു. ആൻറി ഫംഗസ്, ആൻറി ബാക്ടീരിയൽ ഗുണങ്ങൾ കാരണം, മുറിവുകളെയും ചർമ്മപ്രശ്നങ്ങളെയും കൈകാര്യം ചെയ്യുവാനുള്ള ഔഷധ ആവശ്യങ്ങൾക്കായി ഇത് ഉപയോഗിക്കാം.

മുടിക്ക് ചീവയ്ക്കയുടെ ഗുണങ്ങൾ

വിറ്റാമിനുകൾ (എ, സി, ഡി, ഇ, കെ) - മുടിക്ക് പോഷണം നൽകുകയും ആരോഗ്യകരവും വേഗത്തിലുള്ളതുമായ മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യുന്നു.

ക്ലെൻസർ: ഇത് ഒരു ഹെയർ ക്ലെൻസറായി പ്രവർത്തിക്കുന്നു. ഇത് സോപ്പ് പോലെ നന്നായി പതയില്ലെങ്കിലും, മുടിയിലോ ശിരോചർമ്മത്തിലോ പരുഷമായ പ്രത്യാഘാതങ്ങളില്ലാതെ ഇത് മുടി ഫലപ്രദമായി വൃത്തിയാക്കുന്നു.

ആന്റി ഫംഗസ്, ആൻറി ബാക്ടീരിയൽ: ചീവയ്ക്കയുടെ ആൻറി ഫംഗസ്, ആൻറി ബാക്ടീരിയൽ ഗുണങ്ങൾ പേൻ, താരൻ, ചുണങ്ങു, സോറിയാസിസ്, എക്‌സിമ തുടങ്ങിയ ചർമ്മ പ്രശ്നങ്ങൾ ഉണ്ടാകുന്നത് തടയുന്നു. മുറിവുകൾ ഭേദമാക്കാൻ ആന്റിസെപ്റ്റിക് ആയി ചീവയ്ക്ക ഉപയോഗിക്കാം.

മുറിവുകൾ സുഖപ്പെടുത്തുന്നു: മഞ്ഞൾ അരച്ചതുമായി കലർത്തിയ ചീവയ്ക്ക പേസ്റ്റ് മുറിവുകളിലും പൊട്ടലുകളിലും പ്രയോഗിക്കുമ്പോൾ അത് സുഖപ്പെടും.

ആന്റി ഓക്സിഡന്റുകൾ: ആന്റി ഓക്‌സിഡന്റുകൾ കേടായ മുടിയെ നന്നാക്കുകയും മുടിയുടെ അറ്റം പിളരുന്നത് തടയുകയും ചെയ്യുന്നു. മുടി പൊട്ടുന്നതും പരുപരുത്തത് ആകുന്നതും തടയുവാനും ഇത് സഹായിക്കുന്നു.

മുടി കൊഴിച്ചിൽ നിയന്ത്രിക്കുന്നു: ചീവയ്ക്കായിൽ അടങ്ങിയിട്ടുള്ള വിറ്റാമിനുകളും ആന്റി ഓക്‌സിഡന്റുകളും മുടി കൊഴിച്ചിൽ തടയുന്നു, തൽഫലമായി കഷണ്ടിയിലും നിന്നും നിങ്ങൾക്ക് മോചനവും ലഭിക്കുന്നു.

ഡിറ്റർജന്റുകൾ നിർമ്മിക്കുന്നതിൽ ഉപയോഗിക്കുന്നു: സാപ്പോണിനുകളുടെ സാന്നിധ്യം കാരണം, ഇത് ഡിറ്റർജന്റുകൾ അഥവാ സോപ്പ് പൊടി നിർമ്മിക്കുന്നതിനുള്ള ഒരു ഘടകമായി ഉപയോഗിക്കുന്നു, മാത്രമല്ല നല്ലൊരു ക്ലെൻസറായതിനാൽ ശുചീകരണ ആവശ്യങ്ങൾക്കായി ചീവയ്ക്ക ഫലപ്രദമായി ഉപയോഗിക്കാം. ചീവയ്ക്കയും റീത്തയും (ഉറുവഞ്ചി) ഒരുമിച്ച് തിളപ്പിക്കാൻ ഉപയോഗിക്കുന്ന വെള്ളം അതിലോലമായ തുണിത്തരങ്ങൾ കഴുകാനും കട്ടിയുള്ള കറയുടെ അടയാളങ്ങൾ നീക്കംചെയ്യാനും ഉപയോഗിക്കാം.

വായയുടെ ആരോഗ്യത്തിന് ഉപയോഗിക്കുന്നു: മുടിക്കും ചർമ്മത്തിനും മാത്രമായി ഒതുങ്ങി നിൽക്കുന്നതല്ല ചീവയ്ക്കയുടെ ഔഷധ ഗുണങ്ങൾ. ഇളം ചൂടുള്ള വെള്ളത്തിൽ ചീവയ്ക്ക ഉപയോഗിച്ച് പതിവായി വായ കഴുകുന്നത് വായയുടെ നല്ല ആരോഗ്യത്തെ സഹായിക്കുന്നു. ഇത് മോണരോഗങ്ങളെ കൂടുതൽ സുഖപ്പെടുത്തുകയും വായ്‌നാറ്റം തടയുകയും മോണകളിൽ ഫലകത്തിന്റെ രൂപപ്പെടൽ തടയുകയും ചെയ്യുന്നു. ചീവയ്ക്ക, ചെറുചൂടുവെള്ളത്തിൽ ഇട്ട് കവിൾ കൊള്ളുന്നത് ടോൺസിലൈറ്റിസ്, തൊണ്ടയിലെ അണുബാധ എന്നിവയ്ക്ക് പരിഹാരം കാണുവാൻ സഹായകരമാകും.

രക്തത്തിലെ പഞ്ചസാരയുടെ അളവ് സന്തുലിതമാക്കുന്നു: ചീവയ്ക്ക പൊടി കഴിക്കുന്നത് സാധാരണ രക്തത്തിലെ പഞ്ചസാരയുടെ അളവ് നിയന്ത്രിക്കുന്നു. ഇത് രക്തത്തിലെ പഞ്ചസാരയുടെ അളവ് കുറയ്ക്കാനോ വർദ്ധിപ്പിക്കാനോ അനുവദിക്കുന്നില്ല എന്നതാണ് പ്രധാന സവിശേഷത.

രോഗങ്ങൾ ഭേദമാക്കുന്നു: ചർമ്മത്തിനും വായയുടെ രോഗങ്ങൾക്കും പുറമെ കറുത്ത പനി (മലേറിയ സമയത്ത്), മഞ്ഞപ്പിത്തം എന്നിവ ഭേദമാക്കാൻ ചീവയ്ക്ക സഹായിക്കുന്നു. കുഷ്ഠരോഗബാധിത പ്രദേശത്ത് ചീവയ്ക്കയുടെ കായ്കൾ പൊടിച്ച് പ്രയോഗിക്കുമ്പോൾ, ഈ ഭയാനകമായ രോഗം ഭേദമാക്കാൻ ഇവയ്ക്ക് കഴിയും.

കേശ സംരക്ഷണത്തിന് ചീവയ്ക്ക ഉപയോഗിക്കാൻ കഴിയുന്ന വഴികൾ

ചീവയ്ക്ക ഷാംപൂ

ചീവയ്ക്ക ഒരു മികച്ച ക്ലെൻസറാണ്. അതുപോലെ തന്നെ ഫലപ്രദമാണ് റീത്ത അഥവാ ഉറുവഞ്ചിയും. ഈ രണ്ട് ചേരുവകളിലേക്ക് നിങ്ങൾ നെല്ലിക്ക, ഉലുവ എന്നിവ ചേർക്കുമ്പോൾ, ആന്റി ഓക്‌സിഡന്റുകൾ, മൈക്രോ ന്യൂട്രിയന്റുകൾ, വിറ്റാമിനുകൾ എന്നിവയാൽ സമ്പുഷ്ടമായ ഒരു ഷാംപൂ നിങ്ങൾക്ക് ലഭിക്കുന്നു. മുടി കൊഴിച്ചിലിനുള്ള ഈ ചീവയ്ക്ക ഷാംപൂ നിങ്ങൾക്ക് സ്വയം വീട്ടിൽ തന്നെ വളരെ എളുപ്പത്തിൽ ഉണ്ടാക്കാം.

നിങ്ങൾക്ക് ആവശ്യമുള്ള ചേരുവകൾ

ചീവയ്ക്ക - 8 കായ്കൾ

റീത്ത അഥവാ ഉറുവഞ്ചി - 12 വിത്തുകൾ

നെല്ലിക്ക (ഉണക്കിയത്) - ഒരു കപ്പ്

ഉലുവ - രണ്ട് ടീസ്പൂൺ

വെള്ളം - ഒരു വലിയ പാത്രം

തയ്യാറാക്കേണ്ട രീതി

ഉറുവഞ്ചിയുടെ വിത്ത് എടുക്കുക. എന്നിട്ട് മേൽപ്പറഞ്ഞ എല്ലാ ചേരുവകളും ഒരു വലിയ പാത്രത്തിൽ ഇട്ട് ഒരു രാത്രി മുഴുവൻ വെള്ളത്തിൽ മുക്കിവയ്ക്കുക. പിറ്റേന്ന് രാവിലെ, എല്ലാ ചേരുവകളും അവ കുതിർത്ത വെള്ളത്തിനൊപ്പം തിളപ്പിക്കുക. ചേരുവകൾ മൃദുവായുകഴിഞ്ഞാൽ, സ്റ്റൗ ഓഫ് ചെയ്ത് തണുപ്പിക്കുക. ഇത് തണുത്തതിനു ശേഷം ദ്രാവകം മുടിയിൽ ഒഴിച്ച് കഴുകാൻ ഉപയോഗിക്കുക.

എണ്ണ പുരട്ടിയ മുടി കഴുകുന്നതിനാണെങ്കിൽ, ദ്രാവകം വളരെ കട്ടിയുള്ളതും ഇരുണ്ട തവിട്ടുനിറമാകുന്നതുവരെ നിങ്ങൾ ചേരുവകൾ നന്നായി തിളപ്പിക്കണം. എണ്ണയില്ലാത്ത സാധരണ മുടി കഴുകാൻ ആണെങ്കിൽ ഇത്, നിങ്ങളുടെ ദ്രാവകത്തിന്റെ സ്ഥിരത നേർത്തതായി നിലനിർത്താം.

നെല്ലിക്ക, ഉലുവ എന്നിവയുടെ ഘടന മുടിക്ക് ഈർപ്പം പകരുന്നു. അതിനാൽ, മികച്ച ഫലങ്ങൾക്കായി ഉറുവഞ്ചി, ചീവയ്ക്ക എന്നിവയോടൊപ്പം ഇവ രണ്ടും ഉൾപ്പെടുത്തേണ്ടത് അത്യാവശ്യമാണ്.

ഈ ഔഷധക്കൂട്ട് ഷാംപൂ  ആഴ്ചയിൽ ഒരിക്കലെങ്കിലും ഇത് ഉപയോഗിക്കണം.

ചീവയ്ക്ക എണ്ണ

ആവശ്യമുള്ള ചേരുവകൾ

വെളിച്ചെണ്ണ - രണ്ട് കപ്പ്

ചീവയ്ക്ക പൊടി - രണ്ടോ മൂന്നോ ടീസ്പൂൺ

ഒരു ഗ്ലാസ് കുപ്പി (എണ്ണ സൂക്ഷിക്കാൻ)

തയ്യാറാക്കേണ്ട രീതി

ഗ്ലാസ് കുപ്പിയിൽ എല്ലാ ചേരുവകളും ഒരുമിച്ച് ചേർക്കുക. ഇത് പല തവണ കുലുക്കുക. എന്നിട്ട് ഏഴ് മുതൽ പത്ത് ദിവസം തണുത്ത സ്ഥലത്ത് സൂക്ഷിക്കുക.

ആവശ്യാനുസരണം ഈ എണ്ണ ഉപയോഗിക്കാം. എന്നിരുന്നാലും, മുടികൊഴിച്ചിൽ ഒഴിവാക്കാൻ ആഴ്ചയിൽ രണ്ടോ മൂന്നോ തവണ ഇത് ഉപയോഗിക്കുന്നത് ഉത്തമം.

മുടി കൊഴിച്ചിൽ തടയുവാനുള്ള കേശ സംരക്ഷണ കൂട്ട്

മുടി കൊഴിച്ചിൽ തടയുന്നതിന് ചീവയ്ക്ക ഒരു ഒരു മികച്ച പ്രതിവിധിയാണ്. അതിനാൽ ചീവയ്ക്ക, നെല്ലിക്ക, റീത്ത, മുട്ട എന്നിവ ചേർത്തുള്ള ഈ കേശ സംരക്ഷണ കൂട്ട് മുടി കൊഴിച്ചിലിനുള്ള ഒരു ഉത്തമ പരിഹാരമാണ്.

ഈ ഹെയർ പായ്ക്ക് തയ്യാറാക്കാൻ, രണ്ട് ടീസ്പൂൺ വീതം ചീവയ്ക്ക പൊടി, നെല്ലിക്ക പൊടി, ഉറുവഞ്ചി (റീത്ത) പൊടിച്ചത്, രണ്ട് മുട്ട, രണ്ടോ മൂന്നോ നാരങ്ങയുടെ നീര്, എന്നിവ അൽപം ഇളം ചൂടുള്ള വെള്ളത്തോടൊപ്പം ചേർത്ത് ഇളക്കി യോജിപ്പിക്കുക. അരമണിക്കൂറോളം നേരം ഇത് മാറ്റി വച്ച ശേഷം മുടിയിൽ പ്രയോഗിക്കുക. ഉണങ്ങിയ ശേഷം മുടി നന്നായി കഴുകി വൃത്തിയാക്കുക.

മുടി കൊഴിച്ചിൽ തടയാൻ ഓരോ ദിവസവും അല്ലെങ്കിൽ ആഴ്ചയിൽ രണ്ടുതവണ ഈ ഹെയർ പായ്ക്ക് പ്രയോഗിക്കുക.

താരൻ അകറ്റുവാനുള്ള കേശ സംരക്ഷണ കൂട്ട്

ആന്റി-മൈക്രോബയൽ ഗുണങ്ങളുള്ള ചീവയ്ക്ക, ആര്യവേപ്പ് എന്നിവയാണ് ഈ കൂട്ടിലെ പ്രധാന ചേരുവകൾ. ഇത് താരൻ, വരണ്ട ശിരോചർമ്മം എന്നീ അവസ്ഥകൾ ഉണ്ടാവുന്നത് തടയുന്നു.

രണ്ട് ടീസ്പൂൺ വീതം ആര്യവേപ്പ് ഇല പൊടിച്ചത്, ചീവയ്ക്ക പൊടി, ഉറുവഞ്ചി പൊടി എന്നിവ അല്പം വെള്ളത്തിൽ കലർത്തി യോജിപ്പിച്ച് കുഴമ്പ് പരുവത്തിൽ ഒരു മിശ്രിതം തയ്യാറാക്കുക. ഈ മിശ്രിതം ശിരോചർമ്മത്തിലും മുടിയിലും തേച്ച് പിടിപ്പിക്കുക. ഉണങ്ങിയ ശേഷം തല വൃത്തിയായി കഴുകുക.

ആഴ്ചയിൽ ഒന്നോ രണ്ടോ തവണ ഈ കേശ സംരക്ഷണ കൂട്ട് മുടിയിൽ പ്രയോഗിക്കുന്നത് ഗുണം.ചെയ്യുന്നതാണ്.

ചീവയ്ക്ക പൊടി എങ്ങനെ ഉണ്ടാക്കാം?

ചീവയ്ക്ക കായ്കൾ സൂര്യപ്രകാശത്തിൽ വച്ച് ഉണക്കുക. ചീവയ്ക്ക ചെടിയുടെ പുറംതൊലിയും ഇലകളും ഉണ്ടെങ്കിൽ അതും വെയിലത്ത് വച്ച് ഉണക്കാവുന്നതാണ്.

വെയിലത്ത് വച്ച് പൂർണ്ണമായും ഉണക്കിയ ശേഷം കായ്കൾ (പുറംതൊലി, ഇലകൾ) എന്നിവ ഒരു ഗ്രൈന്ററിൽ ഇട്ട് നന്നായി പൊടിച്ചെടുക്കുക.

ഉറുവഞ്ചി - സോപ്പിൻ കായ - Soapnut - Reetha

ഇന്ത്യയിൽ സമതലങ്ങളിലും ചെറിയ മലകളിലെ കാടുകളിലും വളരുന്ന മരമാണ് ഉറുവഞ്ചി. സംസ്കൃതത്തിൽ അരിഷ്ട, ഫേനില, രീഠാ, സോമവൽക എന്നൊക്കെയാണ് പേര് . നമ്മുടെ പശക്കൊട്ട തന്നെ ഓർക്കാൻ എളുപ്പം . 

ഇതൊരു അർദ്ധഹരിത വൃക്ഷമാണ് . 15മീറ്റർ ഉയരം വരെ വളരും. ഒക്ടോബറിൽ പൂക്കൾ ഉണ്ടായി, ജനുവരി-മാർച്ച് മാസങ്ങളിൽ കായ് വിളയും. ഇതിനു വളരാൻ വെയില് വേണം .തണലിൽ വളർച്ച മോശമായിരിക്കും . ഇതിന്റെ കായിൽ സാപോണിൻ എന്ന ആൽകലോയ്ഡ് അടങ്ങിയിരിക്കുന്നു . ഇത് വെള്ളത്തിൽ പതയും . അതുകൊണ്ട് ഇതിന്റെ കായുടെ തൊണ്ട് കുത്തിപ്പിഴിഞ്ഞ് തുണി അലക്കുവാൻ വ്യാപകമായി ഉപയോഗിച്ചിരുന്നു . ഇന്ത്യയിലെ സോപ്പ് എന്നാണ് ലാറ്റിനിൽ ഇതിന്റെ ശാസ്ത്രീയനാമം അർത്ഥമാക്കുന്നത് . ചിലർ ഇതിനെ സാബൂൻകായ എന്നും പറയും .സാബൂൻ എന്നത് അറബി പദമാണ്. അറബി ഭാഷയിൽ സോപ്പിനു സാബൂൻ എന്നാണു പറയുക. കേരളത്തിന്റെ വിവിധഭാഗങ്ങളിൽ ഉറുഞ്ചിക്കായ, ഉഴുറുഞ്ചിക്കായ, ചവക്കായ, പശകൊട്ട എന്നീ പേരുകളിലും അറിയപ്പെടുന്നു.

ആയുർവേദത്തിൽ വളരെ പ്രചാരത്തിൽ ഉള്ള ഒരു ഔഷധ സസ്യമാണ് സോപ്പിൻ കായ. വെള്ളത്തിൽ കുതിർത്താൽ സോപ്പ് പതയുന്നതുപോലെ പത ഉള്ളതുകൊണ്ട് തന്നെയാണ് ഇതിനെ സോപ്പിൻ കായ എന്ന് വിളിക്കുന്നത്. ഇതുപയോഗിച്ചു തല  കഴുകുന്നത് തലമുടിയുടെ ആരോഗ്യത്തിന് വളരെ നല്ലതാണ്.പക്ഷെ ഇതിന്റെ ഉപയോഗം അതിലും ഏറെയാണ്. സ്വർണപ്പണിക്കാർ ഇതിന്റെ കായ സ്വർണ്ണാഭരണങ്ങളിലെ അഴുക്കും മങ്ങലും മാറ്റാൻ ഉപയോഗിച്ചിരുന്നു. സോപ്പ്, ഡിറ്റർജന്റുകൾ തുടങ്ങിയവയുടെ പ്രചാരത്തോടെ ഉറുവഞ്ചിക്കായയെ ഓർമയുടെ പടികടത്തി വിട്ടു.

ഈ കായ ഗർഭനിരോധന മാർഗ്ഗമായും,ഛർദ്ദിപ്പിക്കുന്നതിനുള്ള മരുന്നായും, അമിത ഉമിനീർ രോഗത്തിനും, അപസ്മാരത്തിനും,മരുന്നായും ഉപയോഗിച്ചിരുന്നു. കഫം ഇളക്കുന്നതിനുള്ള മരുന്നായി ഇത് ഉപയോഗിക്കാറുണ്ട് . ഇതിന്റെ വിത്തിന്റെ പരിപ്പ് കൊണ്ട് ഉണ്ടാക്കുന്ന പെസറികൾ പ്രസവസമയത്ത് ഗർഭപാത്രം വികസിപ്പിക്കുന്നതിനും ഉപയോഗിച്ചിരുന്നു. കാളവണ്ടി, കാർഷിക ഉപകരണങ്ങൾ എന്നിവയുണ്ടാക്കാനാണ് തടി ഉപയോഗിക്കുന്നത് . ഇതിന്റെ കായക്കു വേണ്ടി ചിലയിടങ്ങളിൽ കൃഷി ചെയ്തു വരുന്നുണ്ട്. ഇതിന്റെ കായ കൊണ്ട്ആഭരണങ്ങൾ ഉണ്ടാക്കുന്നവരുമുണ്ട് .

ചർമ്മ സംരക്ഷണം  

• ഇതിന്റെ സ്വാഭാവിക പ്രകൃതിതന്നെ ചർമത്തിന്റെ ഈർപ്പം നിലനിർത്താൻ സഹായിക്കുന്നതിനാൽ വരണ്ട ചർമമുള്ളവർക്കു ഉപയോഗിക്കാവുന്നതാണ്. പേരുപോലെ തന്നെ  സാദാരണ സോപ്പ് ഉപയോഗിക്കുന്നതിനു പകരം ചർമ്മത്തിനു അസ്വസ്ഥകൾ ഉള്ളവർക്ക് ഇത് ഉപയോഗിക്കുന്നത് വളരെ സുരക്ഷിതമായിരിക്കും.
• മുഖക്കുരു മാറാനും മുഖത്തെ കറുത്ത പാടുകൾ മാറാനും ഇത് ഉപയോഗിക്കാവുന്നതാണ്.
• എക്‌സിമ, സോറിയാസിസ് എന്നീ രോഗങ്ങൾ ഉള്ളവർക്കും ഇത് ഉപയോഗയോഗ്യമാണ്.

കേശസംരക്ഷണം

• തലമുടിയുടെ വളർച്ചക്ക് സഹായകമായത് കൊണ്ട് തന്നെ പല ഹെയർ ടോണിക്കുകളിലും ഇത് ഒരു പ്രധാന ഘടകമാണ്. ഇടതൂർന്ന മുടി വളർച്ചക്ക് ഇത് പൊടിയോ വെള്ളത്തിൽ കുതിർത്തോ ഉപയോഗിക്കാം.
• ലോകം മുഴുവൻ പല ചർമ്മ - കേശ സംരക്ഷണ ഉത്പന്നങ്ങളിലും ഇതുപയോഗിച്ചു വരുന്നുണ്ട്. ഒരു രാത്രി വെള്ളത്തിൽ കുതിർത്ത സോപ്പിൻ കായ ഷിക്കാകായുടെ പൊടിയുമായി കലർത്തി ഷാംപൂ ആയി ഉപയോഗിക്കാവുന്നതാണ്.
• ഇതിൽ അടങ്ങിയിരിക്കുന്ന  വൈറ്റമിൻ A, D, E, K  എന്നിവയാണ് കേശ സംരക്ഷണ ഉൽപ്പന്നങ്ങൾ നിർമിക്കുന്നതിന് ഇത് ഉപയോഗിക്കാൻ കാരണം.
• ഇതിന്റെ ആന്റി മൈക്രോബിയൽ സ്വഭാവം തലയിലെ ബാക്റ്റീരിയൽ ഇൻഫെക്ഷൻ പ്രതിരോധിക്കുന്നതിന് സഹായിക്കുന്നു.
• ഇതിന്റെ കീടനാശക ഗുണം പേൻശല്യം ഇല്ലാതാക്കാൻ സഹായിക്കുന്നു.

ആരോഗ്യ സംരക്ഷണം 

• പാമ്പിൻ വിഷം , തേൾവിഷം എന്നിവ നിർവീര്യമാക്കാൻ ഇത് സഹായിക്കുന്നു.
• ഹിസ്റ്റീരിയ, അപസ്മാരം എന്നിവയിൽ നിന്നും ആശ്വാസം ഇതിന്റെ കായ ചൂടുവെള്ളത്തിൽ കലക്കി കുടിക്കാവുന്നതാണ്.
• അസ്തമയുടെ ചികിത്സ്‌യിൽ ഇത് ഉപയോഗിക്കുന്നു.
• സന്ധിവേദന, നീർക്കെട്ട് എന്നിവയുടെ ചികിത്സയിൽ ഇത് ഉപയോഗിക്കുന്നു.
  
  
• ഇതിന്റെ ജ്യൂസ് കുടിക്കുന്നത് കൊളസ്ട്രോളിനെ നിയന്ത്രിക്കാൻ സഹായിക്കുന്നു.
• ഇതിൽ അടങ്ങിയിരിക്കുന്ന ആന്റി ഓക്സിഡൻറ്സ് കാൻസറിനെ പ്രതിരോധിക്കാൻ സഹായിക്കുന്നു.
• രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഇത് ഉപയോഗിക്കാറുണ്ട്.
• അതിസാരം, കൃമിശല്യം, അഗ്നിമാന്ദ്യം എന്നീ ആരോഗ്യ പ്രശ്നങ്ങൾക്കുള്ള ചികിത്സയിൽ ഇത് ഔഷധമായി ഉപയോഗിക്കാറുണ്ട്.

ഇങ്ങനെയൊക്കെ ആണെങ്കിലും ഔഷധമായി  സേവിക്കുന്നത് ഒരു വൈദ്യന്റെ  നിർദേശപ്രകാരം മാത്രം 

ഒരു തലമുറ കൂടെ കഴിഞ്ഞാൽ ഇത്തരം മരങ്ങളെ കണ്ടാലോ കേട്ടാലോ അറിയുന്നവർ ഉണ്ടാകില്ല . ഇത്തിരി സ്ഥലം മാറ്റിവെക്കാനുണ്ടെങ്കിൽ ഒരെണ്ണം വെച്ചുപിടിപ്പിക്കാം സോപ്പിൻ കായമരം. നമ്മുടെ എല്ലാ അറിവുകളും തലമുറകളായി ഒഴുകി വന്നതാണ്, അതിന്റെ ഒഴുക്ക് ഇനിയും തുടർന്നുകൊണ്ടേയിരിക്കണം.

നാട്ടുപച്ച - തൊട്ടാവാടി

കേരളത്തിൽ യഥേഷ്ടം കണ്ടുവരുന്ന ഒരു ഔഷധ സസ്യമാണ് Mimosaceae എന്ന സസ്യകുടുംബത്തിൽപ്പെട്ട തൊട്ടാവാടി (Mimosa Pudica Linn). നമ്മുടെ തൊടിയിലും വഴിയരികിലും ധാരാളം കണ്ടുവന്നിരുന്ന ഈ ചെടിയുടെ ഔഷധ ഗുണത്തെക്കുറിച്ച് മിക്കവർക്കും അറിവില്ല എന്നതാണ് യാഥാർഥ്യം. ഇതിന്റെ പേര് സൂചിപ്പിക്കുന്നത് പോലെ ബാഹ്യമായ ഏതു സ്പർശനത്തോടും ഇതിന്റെ ഇലകൾ പ്രതികരിക്കുന്നു. അതായതു ഇലകൾ വാടിയ പോലെ കൂമ്പുന്നു. പടര്‍ന്നു പിടിക്കുന്ന ഈ സസ്യത്തിന്റെ മുള്ളു കൊള്ളാത്തവര്‍ ഉണ്ടാകില്ല. ഇതിന്റെ എല്ലാ ഭാഗങ്ങളും ഉപയോഗയോഗ്യമാണ്. അലര്‍ജി മുതല്‍ ക്യാന്‍സര്‍ വരെയുള്ള ചികിത്സയില്‍ ഇവ ഉപയോഗിക്കുന്നുണ്ട്.

ഇല തണ്ടിനോട് ചേരുന്ന ഭാഗത്ത് സൂക്ഷിച്ചു നോക്കിയാൽ മുഴച്ചിരിക്കുന്നത് കാണാം. ഈ ഭാഗത്ത് കനം കുറഞ്ഞ കോശഭിത്തിയുള്ള ധാരാളം കോശങ്ങളുണ്ട്. അവ വെള്ളം സ്വീകരിച്ച് വീർത്തിരിക്കുന്നു. വെള്ളം വെളിയിൽ പോയാൽ അവ ചുരുങ്ങുന്നു. തൊട്ടാവാടിയുടെ ഇലകൾ സ്പർശനത്തിനു നേരെ പ്രതികരിക്കും. സ്പർശിക്കുമ്പോൾ ഭിത്തിക്ക് കനം കുറഞ്ഞ കോശങ്ങളിലെ ജലം തണ്ടിലേക്ക് കയറും. അതിന്റെ ഫലമായി കോശങ്ങൾ ചുരുങ്ങി ഉറപ്പുപോയി ചുരുളുന്നു. ഏത് വസ്തു തൊട്ടാലും ഇലകൾ അങ്ങനെ ചുരുളും. എന്തു വസ്തുവും ഈ പ്രവർത്തനത്തിനു കാരണമാകാം. ഈ ചുരുളൽ ഏതാനം സെക്കന്റുകൾ കൊണ്ട് പൂർണ്ണമാകും. പിന്നീട് അര മണിക്കൂറോളം കഴിഞ്ഞേ ഇലകൾ വിടർന്ന് പൂർണ്ണാവസ്ഥയിലാകൂ. ഒരു മീറ്ററോളം നീളത്തിൽ‍ പടർന്ന് കിടക്കുന്ന രീതിയിലാണ് തൊട്ടാവാടി കാണപ്പെടുന്നത്. നൈസർഗികമായ പരിതഃസ്ഥിതിയിൽ‍ ചതുപ്പ്, മൈതാനം, റോഡുകൾ‍ ‍എന്നിവിടങ്ങളിൽ‍ തൊട്ടാവാടി കണ്ടുവരുന്നു.

ബ്രസീൽ ആണ് ജന്മദേശമെങ്കിലും ഇന്നു ഭൂമധ്യരേഖാപ്രദേശങ്ങളിൽ പരക്കെ കാണപ്പെടുന്നു. ബ്രസീലിൽ നിന്ന് പോർച്ചുഗീസ് ചരക്കുകപ്പലുകൾ ഫല സസ്യങ്ങൾ കൊണ്ടുവന്ന കൂട്ടത്തിൽ അബദ്ധത്തിൽ കയറിപ്പോന്നതാണ്‌ തൊട്ടാവാടി. ഒരു അധിനിവേശസസ്യം കൂടിയാണിത്.

ഔഷധഗുണം

ബാഹ്യവസ്തുക്കളോടുള്ള പ്രതികരണത്തിന്റെ വേഗതയിൽ‍ നിന്നാണ് തൊട്ടാവാടിയിലെ ഔഷധമൂല്യം കണ്ടെത്തിയതെന്നു പറയപ്പെടുന്നു. ബാഹ്യ വസ്തുക്കളുടെ ഇടപെടൽ‍ മൂലമുണ്ടാകുന്ന മിക്ക അലർജികൾക്കും തൊട്ടാവാടി ഒരു ഔഷധമാണ്. ആയുർ വ്വേദ വിധി പ്രകാരം ശ്വാസ വൈഷമ്യം, വ്രണം, എന്നിവ ശമിപ്പിക്കുന്നതിനും. കഫം ഇല്ലാതാക്കുന്നതിനും, രക്തശുദ്ധി ഉണ്ടാക്കാനും ഇത് ഉപയോഗിക്കുന്നു. തൊട്ടാവാടിയുടെ നീര് കൈപ്പുള്ളതാണ്. ലഘു, രൂക്ഷം എന്നീ ഗുണങ്ങളോടു കൂടിയ ഈചെടിയുടെ വീര്യം ശീതമാണെന്നാണ് വിധി. ഇതിന്റെ വേരിൽ 10% ടാനിൻ അടങ്ങിയിരിക്കുന്നു. ഇതിന്റെ വിത്തില്‍ ഗാലക്ടോസ്, മനോസ് എന്നിവയുമുണ്ട്. 

തൊട്ടാവാടി സമൂലം പറിച്ചെടുത്ത കഴുകി വൃത്തിയാക്കി കൊത്തിയരിഞ്ഞ് നെല്ല് കുത്തിയ അരിക്കൊപ്പം ചേർത്ത് കഞ്ഞിവെച്ച് കുടിച്ചാൽ ഞരമ്പുകൾക്ക് ശക്തി വർധിക്കും.

പ്രസിദ്ധ ആയുർവേദ ഗ്രന്ഥമായ ഭാവപ്രകാശ നിഘണ്ടുവിൽ തൊട്ടാവാടിയെ ഇപ്രകാരം വിശേഷിപ്പിച്ചിരിക്കുന്നു:

'ലജ്ജാലു: ശീതളാ തിക്താ കഷായാ കഫ പിത്ത ജിത്

രക്തപിത്തമതിസാരം യോനിരോഗാൽ വിനാശയേതു.'

ഒറ്റമൂലി എന്ന നിലയിൽ തൊട്ടാവാടി എങ്ങനെയൊക്കെ ഉപയോഗപ്രദമാണ് എന്ന് നോക്കാം.

മുറിവ് 

ഇല ഇടിച്ചുപിഴിഞ്ഞ നീർ വെള്ളം ചേർക്കാതെ പുരട്ടിയാൽ‍ മുറിവ് ഉണങ്ങുന്നതാണ്.

സന്ധി വേദന

തൊട്ടാവാടി ഇടിച്ച് പിഴിഞ്ഞ നീര് തേന്‍ ചേര്‍ത്ത് രാവിലെയും വൈകുന്നേരവും കഴിക്കുന്നത് സന്ധിവേദന മാറ്റി തരും.

ചുമയ്ക്ക് 
ഇതിന്റെ വേര് ഉണക്കി പൊടിച്ചത് കഫത്തിനും ചുമയ്ക്കും പരിഹാരം നല്‍കും.

പ്രമേഹം 
സമൂലം ഇടിച്ചു പിഴിഞ്ഞ ചാർ  രാവിലെയും വൈകീട്ടും കഴിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കാനും, ബി.പി, ഹൈപ്പര്‍ ടെന്‍ഷന്‍ എന്നിവ മാറ്റാനും സഹായിക്കും.

അലർജി
ചതച്ചുനീരെടുത്തു എണ്ണ കാച്ചിതേക്കുകയും, കുടിക്കുകയും ചെയ്‌താൽ തൊലിപ്പുറത്തെ അലർജി മാറിക്കിട്ടുന്നതാണ്.

വിഷജന്തുക്കൾ കടിച്ചാൽ 

വിഷാംശം അകറ്റാന്‍ ഇഴജന്തുക്കള്‍, പ്രാണികള്‍ എന്നിവ കടിച്ചാൽ സമൂലം അരച്ച് കടിച്ച സ്ഥലത്തു പുരട്ടിയിടുന്നത് നല്ലതാണ്.

രക്തസ്രാവം 

സമൂലം ഇടിച്ചുപിഴിഞ്ഞ നീര്, തേനുംകൂട്ടി സേവിച്ചാൽ ആർത്തവസമയത്തെ രക്തസ്രാവത്തിനു കുറവുണ്ടാക്കുന്നതാണ്.

മൂലക്കുരു 

തൊട്ടാവാടി പൊടി പാലില്‍ കലക്കി കുടിക്കുന്നത് മൂലം മൂലക്കുരു മാറ്റാം.

ശരീരത്തിന്

5 മില്ലി തൊട്ടാവാടി നീരും, 10 മില്ലി കരിക്കിൻ‍ വെള്ളവും ചേർത്ത് ദിവസത്തിൽ‍ ഒരു നേരം വീതം കഴിക്കുന്നത് ശരീരത്തിന് നല്ലതാണ്. 

രക്തശുദ്ധി

രക്തശുദ്ധിക്കും, മഞ്ഞപ്പിത്തത്തിനും തൊട്ടാവാടി ഉപയോഗ്യമാണ്.

കൊളസ്‌ട്രോള്‍ 

പേരയ്ക്ക ഇല, കറിവേപ്പില ഇവ ചേര്‍ത്ത് ഗോതമ്പ് കഞ്ഞിയില്‍ തൊട്ടാവാടി ജ്യൂസ് ചേര്‍ത്ത് കഴിച്ചാല്‍ കൊളസ്‌ട്രോള്‍ കുറയ്ക്കാം.

ഉറക്കമില്ലായ്മ 

അഞ്ച് ഗ്രാം തൊട്ടാവാടി ഇല വെള്ളത്തിലിട്ട് തിളപ്പിച്ച് കിടക്കുന്നതിനുമുന്‍പ് കുടിക്കുന്നത് ഉറക്കമില്ലായ്മയ്ക്ക് പരിഹാരമാകും.

ആസ്തമ 
ചൂടുവെള്ളത്തില്‍ ഇതിന്റെ ജ്യൂസ് ഒഴിച്ച് ഇടയ്ക്കിടെ കുടിക്കുന്നത് ആസ്ത പ്രശ്‌നങ്ങള്‍ക്ക് ആശ്വാസം ലഭിക്കും. കരിക്കിൻവെള്ളത്തിന്റെ കൂടെ ഇതിന്റെ നീരും ചേർത്ത് കുട്ടികൾക്ക് കൊടുത്താൽ ശ്വാസംമുട്ട് മാറുന്നതാണ്.

മുറിവുകള്‍ക്ക്

മുറിവുകള്‍, വ്രണങ്ങള്‍ എന്നിവ ഉണങ്ങാന്‍ ഇത് അരച്ചു പുരട്ടുന്നത് നല്ലതാണ്.

ഇനിയെങ്കിലും ഇതിനെ വെട്ടി നശിപ്പിക്കാതെ ജീവിക്കാൻ അനുവദിക്കൂ. നിങ്ങളായിട്ടു നടേണ്ടതില്ല, നനക്കേണ്ടതില്ല, വളം ചെയ്യേണ്ട, ഒന്നും തന്നെ വേണ്ട. തൊടിയിലും വഴിയോരങ്ങളിലും ഒക്കെ അത് വളരട്ടെ. ആടുകൾക്കിത് ഇഷ്ടവിഭവമാണ്.  അതുപോലെ തന്നെ പശുക്കൾക്കും. 

നാട്ടുപച്ച - മുയൽചെവിയൻ

തിരുവാതിരക്കാലത്ത് സ്ത്രീകള്‍ തലയില്‍ ചൂടുന്ന ദശപുഷ്പങ്ങളില്‍ പെട്ട ഒന്നാണ് മുയല്‍ച്ചെവിയന്‍. ആരോഗ്യപരമായ പല ഗുണങ്ങളാലും ഏറെ പേരു കേട്ടതാണ് ഇത്.

മുയല്‍ച്ചെവിയന്‍ നിലം പറ്റി വളരുന്ന ചെറിയ ചെടിയാണ്. ചെടിയില്‍ ഇലയിലും തണ്ടിലുമെല്ലാം ചെറിയ രോമങ്ങള്‍ പോലെയുള്ള ഭാഗങ്ങളും കാണാം. നീലയും വെള്ളയും നിറത്തിലെ ഇതിന്റെ പൂക്കള്‍ ഉണങ്ങിക്കഴിഞ്ഞാല്‍ പറന്നു നടക്കുന്ന തരവുമാണ്. നമ്മുടെ ഇടവഴികളിലും വേലിയിറമ്പിലുമെല്ലാം വളരുന്ന ഒരു സസ്യമാണ് ഇത്.

മുയല്‍ച്ചെവി പല ആരോഗ്യ പ്രശ്‌നങ്ങള്‍ക്കുമുള്ള നല്ലൊന്നാന്തരം മരുന്നാണ്. ആയുര്‍വേദ പ്രകാരം ഇത് വാത, പിത്ത, കഫ ദോഷങ്ങള്‍ക്കുള്ള മരുന്നു കൂടിയാണ്. ശരീരത്തെ ബാധിയ്ക്കുന്ന ഈ അവസ്ഥകളാണ് ആയുര്‍വേദ പ്രകാരം എല്ലാ രോഗങ്ങള്‍ക്കും കാരണം. മുയലിന്റെ ചെവിയോട് സാദൃശ്യമുള്ള ഈ സസ്യമുണ്ടെങ്കില്‍ നമുക്കു മറ്റൊരു മരുന്നു തേടി പുറത്തു പോകേണ്ടതില്ലെന്നു പറയും. കാരണം അത്രത്തോളം പ്രശ്‌നങ്ങള്‍ക്കുള്ള നല്ലൊരു മരുന്നാണിത്.

മുയല്‍ച്ചെവിയുടെ ആരോഗ്യപരമായ ഗുണങ്ങള്‍, ഇത് ഏതെല്ലാം രീതിയില്‍ ഉപയോഗിയ്ക്കാം എന്നതിനെ കുറിച്ചറിയൂ,

തലവേദന 

തലവേദനയ്ക്കുള്ള നല്ലൊരു മരുന്നാണ് മുയല്‍ച്ചെവി. ഇത് ചതച്ചു പിഴിഞ്ഞെടുത്തി നീരില്‍ രാസ്‌നാദിപ്പൊടിയിട്ടു നിറുകയില്‍ പുരട്ടിയാല്‍ തലവേദനയില്‍ നിന്നും ആശ്വാസം ലഭിയ്ക്കും. മൈഗ്രേന്‍ പ്രശ്‌നത്തിനും ഇതു നല്ലൊരു മരുന്നാണ്. ഇതിന്റെ നീര് കാലിന്റെ പെരുവിരലില്‍ ഒറ്റിച്ചാല്‍ മതിയാകും. ഇതിന്റെ നീരു വെറുതെ നിറുകയില്‍ വച്ചാലും ഗുണകരമാണ്.

ബ്ലീഡിംഗ് 

സ്ത്രീകള്‍ക്കുണ്ടാകുന്ന ബ്ലീഡിംഗ് പോലെയുള്ള പ്രശ്‌നങ്ങള്‍ക്കുള്ള നല്ലൊരു മരുന്നാണ് മുയല്‍ച്ചെവി. ഇത് അരച്ചു പാലില്‍ ചേര്‍ത്തു കഴിച്ചാല്‍ മതിയാകും. ഇത് ശരീരത്തിന്റെ ഏതു ഭാഗത്തു നിന്നുമുള്ള ബ്ലീഡിംഗിനാണെങ്കിലും ഉത്തമമാണ്. മുറിവിനു മേല്‍ ഇതരച്ചു പുരട്ടുന്നതു നല്ലതാണ്.

സൈനസൈറ്റിസ്

 പലരേയും അലട്ടുന്ന സൈനസൈറ്റിസ് പ്രശ്‌നങ്ങള്‍ക്കുള്ള നല്ലൊരു മരുന്നാണ് മുയല്‍ച്ചെവിയന്‍. ഇത് അരച്ച് നിറുകയില്‍ വച്ചാല്‍ എറെ ന്ല്ലതാണ്. സമൂലം, അതായത് വേരടക്കം അരച്ചിടുക. ഇതിനൊപ്പം വെളുത്തുള്ളി, ഉപ്പ് എന്നിവ ചേര്‍ത്തരച്ചു കഴിയ്ക്കുന്നതും നല്ലതാണ്.

പനി 

പനിയ്ക്കുള്ള പ്രകൃതി ദത്ത ഔഷധമാണ് മുയല്‍ച്ചെവി. ഇതിന്റെ നീര് 10 എംഎല്‍ വീതം രണ്ടു നേരമായി കുടിയ്ക്കുന്നതു പനിയ്ക്കുള്ള നല്ലൊരു പരിഹാരമാണ്.

പൈല്‍സും 

പൈല്‍സിനുളള നല്ലൊരു മരുന്നു കൂടിയാണ് മുയല്‍ച്ചെവി. ഇത് അരച്ച് നെല്ലിക്കാവലുപ്പത്തില്‍ എടുത്ത് മോരില്‍ കലക്കി കുടിയ്ക്കാം. കൂടിയ പൈല്‍സും, അതായത് ബ്ലീഡിംഗ് വരെയുള്ള പൈല്‍സും ഭേദമാക്കാന്‍ ഇത് നല്ലതാണ്.

തൊണ്ടയില്‍ 

ഇതിന്റെ ഇലയും ഉപ്പും ചേര്‍ത്ത് അരയ്ക്കുക. ഇതു പിഴിഞ്ഞ് നീര് തൊണ്ടയില്‍ പുരട്ടുക. ഇതു ടോണ്‍സിലൈറ്റിസ് പ്രശ്‌നത്തിനുള്ള ന്‌ല്ലൊരു പരിഹാരമാണ്.

കണ്ണില്‍ 

ഇതിന്റെ ഇലയുടെ നീരെടുത്ത് കണ്ണില്‍ ഒഴിയ്ക്കുന്നത് നേത്ര രോഗങ്ങള്‍ക്കുള്ള നല്ലൊരു പ്രതിവിധിയാണ്. കണ്ണിനു കുളിര്‍മ ലഭിയ്ക്കാന്‍ ഏറെ നല്ലതാണ്. പ്രത്യേകിച്ചു വേനല്‍ക്കാലത്ത്.നൈറ്റ് ബ്ലൈന്‍ഡ്‌നസ് പോലെയുള്ള രോഗങ്ങള്‍ക്കും ഇതു നല്ലൊരു പരിഹാരമാണ്

വ്രണങ്ങള്‍

 ശരീരത്തിലുണ്ടാകുന്ന വ്രണങ്ങള്‍ക്കുള്ള നല്ലൊരു മരുന്നാണിത്. ഇതും മഞ്ഞളും ഇരട്ടി മധുരവും ചേര്‍ത്തരച്ച് ഇതിന്റെ നീരെടുത്ത് എണ്ണ കാച്ചി കര്‍പ്പൂരം, മെഴുക് എന്നിവ ഇതില്‍ ചേര്‍ത്തിളക്കി വ്രണങ്ങളും മുറിവുകളും ഉള്ളിടത്തു പുരട്ടാം. ഗുണമുണ്ടാകും.

വയറിന്റെ ആരോഗ്യത്തിനും 

വയറിന്റെ ആരോഗ്യത്തിനും ഇത് ഏറെ ഉത്തമമാണ്. വയറുവേദന തുടങ്ങിയ പ്രശ്‌നങ്ങള്‍ക്കും ദഹനത്തിനുമെല്ലാം നീരു കുടിയ്ക്കുന്നതു നല്ലതാണ്. നല്ലപോലെ മൂത്ര വിസര്‍ജനത്തിനു സഹായിക്കുന്ന ഒന്നു കൂടിയാണിത്. അതായത് നല്ലൊരു ഡയൂററ്റിക് എന്നു പറയാം.

കാലിലെ മുള്ളു നീക്കാനും 

കാലിലെ മുള്ളു നീക്കാനും ഈ ചെടി നല്ലതാണ്. ഇത് അരച്ച് മുള്ളുള്ള ഭാഗത്തു വച്ചു കെട്ടുക. മുള്ള് ഇറങ്ങി വരും. വെള്ളം തൊടാതെ വേണം, വ്ച്ചു കെട്ടാന്‍.

ആയുർവേദം - ശംഖുപുഷ്പം

ഇന്ത്യയിലെ മറ്റ് സ്ഥലങ്ങളിൽ അപരാജിത എന്ന പേരിലും അറിയപ്പെടുന്ന ശംഖുപുഷ്പം ഇംഗ്ലീഷിൽ Clitoria ternatea  എന്നാണ് അറിയപ്പെടുന്നത്.  ആയുർ‌വേദത്തിൽ മാനസിക രോഗങ്ങൾക്കുള്ള മരുന്നായി ശംഖുപുഷ്പം ഉപയോഗിക്കുന്നു. ഇന്തോനേഷ്യയിലും മലേഷ്യയിലുമാണ്‌ ഇവയുടെ ഉത്ഭവം എന്നു വിശ്വസിക്കുന്നു.

വള്ളിച്ചെടിയായി വളരുന്ന ശംഖുപുഷ്പം നീല, വെള്ള (Clitoria ternatea alba) എന്നിങ്ങനെ രണ്ടിനമുണ്ട്. അഞ്ചോ ഏഴോ ചെറു ഇലകൾ ഒറ്റ ഞെട്ടിൽ കാണപ്പെടുന്നു. മനോഹരമായ പൂവ് ഒറ്റയായി ഉണ്ടാകുന്നു. പൂക്കളുടേയും ഫലങ്ങളുടേയും ആകൃതി പയർ ചെടിയിലേതു പോലെയാണ്. ഫലത്തിനുള്ളിൽ വിത്തുകൾ നിരനിരയായി അടുക്കിയിരിക്കും. ശംഖുപുഷ്പത്തിന്റെ പച്ചവേര് വെണ്ണ ചേർത്ത് രാവിലെ വെറും വയറ്റിൽ പതിവായി കഴിച്ചാൽ കുട്ടികൾക്ക് ബുദ്ധിശക്തി, ധാരണാശക്തി എന്നിവ കൂടും എന്നു വിശ്വസിക്കപ്പെടുന്നു. ശംഖുപുഷ്പത്തിന്റെ വേരിന് മൂർഖൻ പാമ്പിന്റെ വിഷം നിർവീര്യമാക്കാൻ ശക്തിയുണ്ട് എന്നും പറയപ്പെടുന്നു. നീല ശംഖുപുഷ്പത്തിന്റെ ചെടി കഷായം കുടിച്ചാൽ ഉന്മാദം, ശ്വാസരോഗം, ഉറക്കമില്ലായ്മ എന്നിവ കുറയ്ക്കുന്നതാണ്. ഇതിന്റെ വേര് പശുവിൻ പാലിൽ അരച്ചുകലക്കി വയറിളക്കാൻ ഉപയോഗിക്കാറുണ്ട്. തൊണ്ടവീക്കം ഇല്ലാതാക്കാനും ഇതിന്റെ വേര് ഉപയോഗിക്കുന്നു. പനി കുറയ്ക്കാനും ശരീരബലം ഉണ്ടാകാനും മാനസിക രോഗചികിത്സയ്ക്കും സ്ത്രീകൾക്കുണ്ടാകുന്ന ലൈംഗിക അസുഖങ്ങൾക്കും ശംഖുപുഷ്പം എന്ന ഔഷധസസ്യം ഉപയോഗിക്കുന്നു.

ബ്ലൂ ടീ

നീല ശംഖുപുഷ്പത്തിൽ നിന്നാണ് നീലച്ചായ ഉണ്ടാക്കുന്നത്. ഗ്രീൻ ടീ കയ്പനാണെങ്കിൽ മധുരരുചിയുമായാണ് ബ്ലൂ ടീ എത്തുന്നത്. നിർമാണ സമയത്തെ ഓക്സീകരണ പ്രക്രിയ ആണ്  നീലച്ചായയ്ക്ക് പ്രത്യേക രുചി നൽകുന്നത്. നീല ശംഖുപുഷ്പത്തെപ്പോലെ സുന്ദരനായ നീലച്ചായയുടെ ആരോഗ്യ ഗുണങ്ങൾ അറിയേണ്ടേ?

ചുമ, ജലദോഷം, ആസ്മ ഇവയിൽ നിന്നെല്ലാം ആശ്വാസ മേകാൻ നീലച്ചായയ്ക്കു കഴിയും. ശ്വാസകോശത്തിൽ നിന്നും ശ്വാസനാളത്തിൽ നിന്നും കഫം ഇല്ലാതാക്കാൻ ഇത് സഹായിക്കുന്നു. നല്ലൊരു expectorant ആയി ഇത് പ്രവർത്തിക്കുന്നു.

ഉത്കണ്ഠയും വിഷാദവും അകറ്റുന്നു. നീലച്ചായ ധാരാളം കുടിക്കുന്നത് സമ്മർദം അകറ്റാൻ സഹായിക്കും. ആൻക്സിയോലിറ്റിക് ഗുണങ്ങൾ നിറഞ്ഞതിനാലാണിത്.

ഓർമശക്തി മെച്ചപ്പെടുത്താൻ നീലച്ചായയ്ക്കു കഴിയും. ഒരു ന്യൂറോ ട്രാൻസ്മിറ്ററായ അസെറ്റൈൽ കൊളൈന്റെ അളവ് കൂട്ടി ഓർമശക്തിയും തലച്ചോറിന്റെ പ്രവർത്തനങ്ങളും മെച്ചപ്പെടുത്താൻ നീലശംഖുപുഷ്പം (clitoria ternatea) സഹായിക്കുന്നതായി തെളിഞ്ഞിട്ടുണ്ട്.

രക്തത്തിലെ പഞ്ചസാരയുടെ അളവ് കുറയ്ക്കാൻ ശംഖുപുഷ്പത്തിന്റെ ഇലയ്ക്കു കഴിവുണ്ട്. ഭക്ഷണത്തിൽ നിന്നും ഗ്ലൂക്കോസിന്റെ ആഗിരണത്തെ നിയന്ത്രിച്ച് ടൈപ്പ് 2 പ്രമേഹം തടയാൻ നീലപൂക്കളിൽ നിന്നുള്ള ഈ ചായ സഹായിക്കും.

നീലച്ചായയുടെ കടുംനിറം തന്നെ സൂചിപ്പിക്കുന്നത് അവയിലെ ആന്റി ഓക്സിഡന്റുകളുടെ അളവാണ്. തിളക്കവും ആരോഗ്യവുമുള്ള ചർമവും തലമുടിയും സ്വന്തമാക്കാൻ നീലച്ചായ കുടിച്ചാൽ മതി. തലമുടിയുടെയും ചർമത്തിന്റെയും പ്രായമാകലിനെ സാവധാനത്തിലാക്കാനും കോശങ്ങൾക്ക് കേടുപാടു കൾ ഉണ്ടാകുന്നത് തടയാനും നീലച്ചായയിലെ നിരോക്സീകാരികൾക്ക് കഴിയും. ഇത് അർബുദ സാധ്യതയും കുറയ്ക്കുന്നു.

ഫ്ലേവനോയ്ഡുകൾ ധാരാളം അടങ്ങിയ ഈ നീലപ്പൂക്കൾക്ക് ആന്റി ഇൻഫ്ലമേറ്ററി ഗുണങ്ങൾ ഉണ്ട്. രോഗപ്രതിരോധ ശക്തി വർധിപ്പിക്കാൻ നീലച്ചായ സഹായിക്കും.

ചില കൗതുകങ്ങളും ഉണ്ട്. നീലച്ചായയിൽ അല്പം നാരങ്ങാ നീര് ചേർത്തുനോക്കൂ അത് പർപ്പിൾ നിറമായി മാറുന്നതു കാണാം. ഇനി ചെമ്പരത്തിപ്പൂക്കൾ ചേർത്താലോ, നീലച്ചായ തിളങ്ങുന്ന ചുവപ്പു നിറം ആയി മാറുന്നതു കാണാം.

കാർഷികം - ശീതകാല പച്ചക്കറിക്കൃഷി തുടങ്ങാം

കാബേജ്, കോളിഫ്ളവര്‍, കാരറ്റ്, ബീറ്റ്റൂട്ട്, റാഡിഷ്, ബീന്‍സ്,  ഉള്ളി ഇനങ്ങള്‍, ഉരുളക്കിഴങ്ങ് തുടങ്ങിയ ശീതകാല പച്ചക്കറി കൃഷിക്ക്   കേരളത്തിന്റെ മിക്ക പ്രദേശങ്ങളും അനുയോജ്യമാണ്. പ്രത്യേകിച്ച് വയനാട്, ഇടുക്കി, പാലക്കാട്. നല്ല തണുപ്പും അതുപോലെ തന്നെ നല്ല സൂര്യപ്രകാശവും ആവിശ്യമുള്ള വിളകളാണിവ. ഒക്റ്റോബര്‍ മുതല്‍ ജനുവരി വരെയുള്ള മൂന്ന് മാസങ്ങളാണ് ഏറെ അനുയോജ്യം. ഒക്‌റ്റോബര്‍ അവസാനിക്കുന്നതിന് മുന്‍മ്പ് തന്നെ ശീതകാല പച്ചക്കറിതൈകള്‍ നട്ടു കഴിഞ്ഞിരിക്കണം. മഴയുടെ ശക്തി കുറഞ്ഞു തുടങ്ങിയതിനാല്‍ തൈകള്‍ നടാനുള്ള തടങ്ങള്‍ തയ്യാറാക്കി തുടങ്ങാം. 

കാബേജും കോളിഫ്ളവറും

കാബേജും കോളിഫ്‌ളവറും കൃഷി ചെയ്യാനുള്ള ഒരുക്കങ്ങള്‍ ഒക്‌റ്റോബര്‍ അവസാനത്തോടെ ആരംഭിക്കാം. വിത്തുകള്‍ പാകി മുളപ്പിച്ചാണ് നടുന്നതെങ്കില്‍ ഒരു മാസം മുമ്പ് തന്നെ ട്രേകളില്‍ വിത്തുകള്‍ പാകി തൈകള്‍ തയ്യാറാക്കണം. 

കൃഷി രീതി

നീര്‍വാര്‍ച്ച സൗകര്യമുള്ളതും നേരിട്ട് സൂര്യപ്രകാശം ലഭിക്കുന്നതും മണല്‍ കലര്‍ന്ന പശിമരാശിയുള്ള മണ്ണുമാണ് കൃഷിക്ക് നല്ലത്. അല്ലാത്ത മണ്ണിലും അത്യാവശ്യം മണലും ജൈവ വളങ്ങളും കൂട്ടി കൃഷിക്ക് അനുയോജ്യമാക്കാം. ഉണങ്ങിയ ചാണകപ്പൊടി,  വേപ്പിന്‍ പിണ്ണാക്ക് എന്നിവ ചേര്‍ത്തു വേണം തൈകള്‍ നടാന്‍. തൈകള്‍ തമ്മില്‍ 50 സെ.മി അകലത്തില്‍ നടാം. പോട്രേകളില്‍ ലഭിക്കുന്ന തൈകള്‍ വേരിളക്കം തട്ടാതെ വേണം നടാനായി എടുക്കാന്‍.

പരിചരണവും വളപ്രയോഗവും

നട്ട തൈകള്‍ക്ക് കുറച്ചു ദിവസം തണല്‍ നല്‍കണം. മൂന്നാഴ്ച കഴിഞ്ഞ് ഉണങ്ങിയ ചാണകപ്പൊടി അല്ലെങ്കില്‍ കമ്പോസ്റ്റ് കൂടെ കടലപ്പിണ്ണാക്ക്, വേപ്പിന്‍ പിണ്ണാക്ക് എന്നിവ കൂടി കലര്‍ത്തി തൈകള്‍ക്ക് ചുറ്റുമിട്ട് മണ്ണു വിതറണം. 15 ദിവസം കഴിഞ്ഞ് ഇതൊന്നുകൂടി ആവര്‍ത്തിക്കുക. മഴയില്ലാത്ത ദിവസങ്ങളില്‍ വൈകുന്നേരങ്ങളില്‍ വെള്ളം തളിച്ചു കൊടുക്കണം. നല്ല ജലസേചനം വേണ്ട വിളയാണ് കാബേജും കോളിഫ്‌ളവറും. നട്ട് ഒരുമാസം കഴിഞ്ഞ് ചാണകം, കടലപ്പിണ്ണാക്ക്, വേപ്പിന്‍പ്പിണ്ണാക്ക് എന്നിവ പുളിച്ചതിന്റെ തെളി കൂടുതല്‍ വെള്ളം ചേര്‍ത്ത് തടത്തിലൊഴിച്ചു കൊടുക്കുന്നത് ചെടിയുടെ വളര്‍ച്ചയ്ക്ക് ആക്കം കൂട്ടും. ഇങ്ങനെ രണ്ട്-മൂന്ന് തവണ 15 -20 ദിവസം കൂടുമ്പോള്‍ ആവര്‍ത്തിക്കണം. കോളിഫ്‌ളവറിനും കാബേജിന്റെയും ഫ്‌ളവറിങ്ങിന് ചാരം അഥവാ വെണ്ണീരു ഗുണം ചെയ്യും. തൈകള്‍ നട്ട് 50 ദിവസം കഴിയുന്നതോടെ ഒരു പിടി ചാരം തടത്തിനു ചുറ്റം വിതറി കൊടുക്കാം. 15 ദിവസം കഴിഞ്ഞ് ഒന്നുകൂടി ഇങ്ങനെ അവര്‍ത്തിക്കണം. ഹ്രസ്വകാല വിളയായ കാബേജും കോളിഫ്‌ളവറും തൈ നട്ട് 80-90 ദിവസങ്ങള്‍ കൊണ്ട് വിളവെടുക്കാന്‍ പാകമാകും.

രോഗ-കീട നിയന്ത്രണം

പലതരത്തിലുള്ള ഇല തീനി പുഴുക്കളാണ് സാധാരണയായി ശീതകാല പച്ചക്കറികളില്‍ കണ്ടുവരാറ്. ദിവസവും ചെടികളെ നോക്കി പുഴുവിനെ പെറുക്കി കൊല്ലുകയാണ് ഏറ്റവും നല്ല നിയന്ത്രണമാര്‍ഗം. രണ്ടുശതമാനം വീര്യമുള്ള വെളുത്തുള്ളി – വേപ്പെണ്ണ മിശ്രിതവും തളിക്കാം. ശീതകാല പച്ചക്കറി കൃഷിയിലെ മറ്റൊരു പ്രധാന ശത്രു ഒച്ചിന്റെ ആക്രമണമാണ്. ദിവസവും ഇലകള്‍ നിരീക്ഷിക്കുകയും ഒച്ചുണ്ടെങ്കില്‍ എടുത്ത് നശിപ്പിക്കുകയാണ് ഇതിനെതിരേയുള്ള മാര്‍ഗം. നീറ്റ് കക്കാ പൊടിച്ചത്, കല്ല് ഉപ്പ് പൊടിച്ച് വിതറല്‍ എന്നിവയും ഒച്ചിനെതിരേ ഉപയോഗിക്കാവുന്ന മാര്‍ഗങ്ങളാണ്.

വിളവെടുപ്പ്

നന്നായി പരിപാലിച്ചാല്‍ കാബേജും കോളിഫ്ളവറും 50-60 ദിവസങ്ങള്‍ കൊണ്ട് ഫ്‌ളവറിങ്ങ് നടക്കും. തുടര്‍ന്ന് ഒരു മാസം കൊണ്ട് ഫ്ളവര്‍ വലുതാകുകയും വിളവെടുപ്പിന് പാകമാകുകയും ചെയ്യും. കോളി ഫ്‌ളവറിന്റെ ഭക്ഷ്യയോഗ്യമായ ഭാഗത്തെ കര്‍ഡ് എന്നാണ് പറയുന്നത്.

ഗ്രോബാഗിലെ നടീല്‍ രീതി

മണ്ണ്, മണല്‍ അല്ലങ്കില്‍ ചകിരിച്ചോര്‍, ചാണകപ്പൊടി, വേപ്പിന്‍പ്പിണ്ണാക്കും എന്നിവയെല്ലാം കൂടി നന്നായി ഇളക്കി ഗ്രോബാഗിന്റെ എഴുപത് ശതമാനം നിറച്ച് തൈകള്‍ നടാം. ചാണകപ്പൊടിക്ക് പകരം ഉണങ്ങി തണുത്ത കോഴി വളവും മിശ്രിതം തയാറാക്കാന്‍ ഉപയോഗിക്കാം. വളപ്രയോഗവും പരിപാലനവും എല്ലാ നേരത്തെ പറഞ്ഞതു പ്രകാരം ചെയ്യണം. ജലസേചനം ആവിശ്യത്തിന് മാത്രം നടത്തുക. ഗ്രോബാഗില്‍ കൊടുക്കുന്ന വെള്ളത്തിന്റെ അളവ് കൂടിയാല്‍ കെട്ടിക്കിടന്ന് തൈ ചീഞ്ഞു പോകാന്‍ ഇടയാകും. ഇതിനാല്‍ ഗ്രോബാഗില്‍ വെള്ളം ഒലിച്ച് പോകാന്‍ സുഷിരങ്ങള്‍ ഉണ്ടെന്ന് ഉറപ്പാക്കണം. നന്നായി പരിപാലിച്ചാല്‍ നിലത്ത് നട്ട് വിളവെടുക്കുന്നതിന് മുമ്പ് തന്നെ ഗ്രോബാഗില്‍ വിളവെടുക്കാം.

ബ്രോക്കോളി

ശീതകാല പച്ചക്കറികളില്‍ ഗുണത്തിലും രുചിയിലും ഏറെ മുമ്പിലാണ് ബ്രോക്കോളി. ധാരാളം നാരുകള്‍, പ്രോട്ടീന്‍, വൈറ്റമിന്‍ ഇ, വൈറ്റമിന്‍ ബി 6, കോപ്പര്‍, പൊട്ടാസ്യം എന്നിവ ബ്രോക്കോളിയില്‍ അടങ്ങിയിട്ടുണ്ട്. വയനാട്, ഇടുക്കി തുടങ്ങി പ്രദേശങ്ങളില്‍ ബ്രോക്കോളി കൃഷി വ്യാപകമായി വരുന്നു. കാല്‍സ്യം ധാരാളം അടങ്ങിട്ടുള്ള ബ്രോക്കോളി എല്ലുകളുടെയും പല്ലുകളുടെയും ബലത്തിന് വളരെ നല്ലതാണ്. ബീറ്റാകരോട്ടിന്‍, വൈറ്റമിന്‍ ബി, വൈറ്റമിന്‍ ഇ എന്നിവ ബ്രോക്കോളിയില്‍ ധാരാളം അടങ്ങിയിരിക്കുന്നു. ഇവ കണ്ണിന്റെ ആരോഗ്യത്തിനു വളരെയധികം ഗുണപ്രദമാണ്. കാബേജും കോളിഫ്ളവറും നടുന്ന രീതിതന്നെയാണ് ബ്രോക്കോളിക്കും. ട്രെകളില്‍ നടില്‍ മിശ്രിതം നിറച്ച് വിത്ത് പാകി മുളപ്പിക്കണം. ഒരു മാസം കൊണ്ട് തന്നെ മാറ്റി നടാനാകും. വളപ്രയോഗവും പരിചരണവും എല്ലാം. കോളിഫ്ളവറിന്റെ രീതി തന്നെ അവലംബിക്കാം.

കിഴങ്ങുവര്‍ഗങ്ങള്‍

പ്രധാനപ്പെട്ട ശീതകാല വിളകളായ സവാള, ഉള്ളി, കാരറ്റ്, മുള്ളങ്കി, ബീറ്റ്‌റൂട്ട് എന്നിവ നമ്മുടെ നാട്ടില്‍ മഞ്ഞുകാലത്ത് കൃഷി ചെയ്യാവുന്ന വിളകളാണ്.  വിത്തുപാകി മുളപ്പിച്ച് 30 ദിവസം പ്രായമെത്തിയ തൈകള്‍ പറിച്ചു നട്ടാണ് സവാളയുടെ കൃഷി രീതി. നല്ലപ്പോലെ ഇളകിയ മണ്ണില്‍ ജൈവവളം ചേര്‍ത്ത് 90 സെ.മീ വീതിയിലും 10 സെ.മീ ഉയരത്തിലുമുള്ള തടമെടുത്ത് അതില്‍ 10 സെ.മീ അകലത്തിലായി തൈകള്‍ നടാം. നാലുമാസമാകുമ്പോള്‍ വിളവെടുക്കാവുന്നതാണ്. ഇലകള്‍ മഞ്ഞനിറമായി വാടി വീഴുമ്പോളാണ് സവാള വിളവെടുക്കുന്നത്. വിളവെടുത്ത് കുറച്ചുദിവസം തണലത്തിട്ട് ഉണക്കിയതിനു ശേഷം തലപ്പൂ മാറ്റി വീണ്ടും ഉണക്കുക. അതിനുശേഷം ഉപയോഗിക്കാവുന്നതാണ്.

കാരറ്റ്, മുള്ളങ്കി, ബീറ്റ്‌റൂട്ട് എന്നിവ നേരിട്ട് വിത്തുപാകി നടുന്ന രീതിയാണ് നല്ലത്. നല്ല വെയിലും ഇളക്കവുമുള്ള മണ്ണില്‍ 90 സെന്റിമീറ്റര്‍ വീതിയും 10 സെ.മീ ഉയരവമുള്ള തടത്തില്‍ ജൈവവളം ചേര്‍ത്തതിനു ശേഷമാണ് വിത്തു പാകേണ്ടത്. ഇതിനു വേണ്ടി തടത്തില്‍ വിരലുകൊണ്ട് 2 സെ.മീ താഴ്ചയിലും 45 സെ.മീ അകലത്തിലുമായി ചെറിയ ചാലുകള്‍ ഉണ്ടാക്കുക. ഈ ചാലുകളില്‍ മുള്ളങ്കി, കാരറ്റ് എന്നിവയുടെ വിത്തുകള്‍ സമം മണലും ചേര്‍ത്ത് പാകുക. ബീറ്റ്റൂട്ടിന്റെ വിത്തുകള്‍ വലുതായതിനാല്‍ 10 സെ.മീ അകലത്തില്‍ ഇട്ടുകൊടുക്കുക. വിത്തു പാകിയതിനു ശേഷം മേല്‍മണ്ണുകൊണ്ട് വിത്തു മൂടുക. തുടര്‍ന്ന് ചെറുനന നല്‍കുക. വിത്തു മുളച്ച് രണ്ടാഴ്ചക്കുശേഷം വളപ്രയോഗം നടത്തണം. ജൈവവളമിട്ട് മണ്ണു വിതറുക, ഒരുമാസത്തിന് ശേഷം തടത്തിലെ കളകള്‍ പറിച്ച് ഒന്നുകൂടി വളപ്രയോഗം ആവര്‍ത്തിക്കുക. ആവശ്യത്തിനു ജലസേചനം ഉറപ്പു വരുത്തുക.ഇലകള്‍ മഞ്ഞളിക്കുന്നതിനു മുന്‍പ് വിളവെടുക്കണം.

ആയുർവേദം - ജീരകം

 

ജീരകം എന്ന് പറയുമ്പോൾ തന്നെ മനസ്സിലേക്ക് ആദ്യം ഓടിയെത്തുന്നത് അതിന്റെ സുഗന്ധമാണ് അല്ലെ? നമ്മുടെ വിവിധ പാചകരീതികളിൽ ഒഴിച്ചുകൂടാനാവാത്ത ഒരു ചേരുവയാണ് ജീരകം. അത് നൽകുന്ന പ്രകൃതിദത്തമായ രുചിക്ക് പുറമെ, ജീരകത്തിന് ഒരുപാട് ആരോഗ്യ ഗുണങ്ങളുമുണ്ട്. ഇന്ത്യൻ വീടുകളിൽ പണ്ടുകാലം തൊട്ടേ നമ്മൾ കുടിക്കുന്ന ഒന്നാണ് ജീരകം ഇട്ട് തിളപ്പിച്ച വെള്ളം അഥവാ ജീരക വെള്ളം. ശരീരത്തിലെ ദുഷിപ്പുകൾ അകറ്റുവാൻ സഹായിക്കുന്ന ജീരക വെള്ളം കുടിക്കുന്നത് കൊണ്ടുള്ള ഏറ്റവും വലിയൊരു പ്രയോജനമാണ് ശരീരഭാരം കുറയ്ക്കാം എന്നത്.

അതിനാൽ തന്നെ, ശരീരഭാരം കുറയ്ക്കുന്നതിന് ജീരക വെള്ളം ഒരു ജനപ്രിയ പരിഹാരമാണ്. കാരണം, ഇത് ഭാരം വേഗത്തിലും ആരോഗ്യകരമായ നിരക്കിലും കുറയ്ക്കാൻ സഹായിക്കുന്നു എന്നത് കൂടാതെ, ശരീരത്തിൽ നിന്ന് മോശം കൊളസ്ട്രോൾ നീക്കം ചെയ്ത് നമ്മുടെ ശരീത്തിലെ കൊഴുപ്പിന്റെ അളവ് സന്തുലിതമായി നിലനിർത്തുകയും ചെയ്യുന്നു. ജീരകം പതിവായി കഴിക്കുന്നതിലൂടെശരീരഭാരം കുറയ്ക്കാൻ  സഹായിക്കുകയും മൊത്തത്തിലുള്ള ആരോഗ്യം പ്രോത്സാഹിപ്പിക്കുകയും ചെയ്യുന്നത് എങ്ങനെ എന്നറിയാം.

ശരീരഭാരം കുറയ്ക്കാൻ ജീരക വെള്ളം

ജീരകത്തിൽ കലോറി കുറവാണ്: ഒരു ടീസ്പൂൺ ജീരകത്തിൽ (ഏകദേശം 20 മുതൽ 21 ഗ്രാം വരെ), എട്ട് കലോറിയെ അടങ്ങിയിട്ടുള്ളൂ. അതിനാൽ, ജീരകം വെള്ളത്തിൽ ഇട്ട് കുടിക്കുന്നത് അധിക കലോറി ശരീരത്തിലേക്ക് വരുത്താതെ തന്നെ ആരോഗ്യപരമായ ഗുണങ്ങൾ നിങ്ങൾക്ക് നൽകുന്നു.

കുറഞ്ഞ കലോറിയിൽ രുചി വർദ്ധിപ്പിക്കുവാനായി നിങ്ങളുടെ പച്ചക്കറി വിഭവങ്ങളിൽ ജീരകം ചേർക്കുക.

ഇത് ദഹനത്തെ സഹായിക്കുന്നു: ദഹന പ്രശ്നങ്ങൾക്കുള്ള ഒരു പരമ്പരാഗത പരിഹരമായി പണ്ടുമുതലേ ജീരകം ഉപയോഗിച്ചിരുന്നു. നല്ല വാസനയും സ്വാദും ഉള്ള ഈ ചേരുവ കുടലിന്റെ ആരോഗ്യത്തിന് ഗണ്യമായ നേട്ടങ്ങൾ പ്രദാനം ചെയ്യുന്നു. ഇത് ദഹന പ്രക്രിയയെ സഹായിക്കുന്ന പാൻക്രിയാറ്റിക് എൻസൈമുകളെ പ്രോത്സാഹിപ്പിക്കുന്നു. ജീരകത്തിൽ കാണപ്പെടുന്ന തൈമോൾ എന്ന സംയുക്തം ഉമിനീർ ഗ്രന്ഥികളെ ഉത്തേജിപ്പിക്കുന്നു. കൊഴുപ്പ്, പഞ്ചസാര, പ്രോട്ടീൻ തുടങ്ങിയ സങ്കീർണ്ണ പോഷകങ്ങളുടെ വിഘടനത്തെ പ്രോത്സാഹിപ്പിക്കുന്നതിലൂടെ ഇത് ദഹന പ്രക്രിയയെ സുഗമമാക്കുന്നു. ദഹനക്കേട്, വയറിളക്കം, ഓക്കാനം തുടങ്ങിയ പ്രശ്നങ്ങളുമായി പോരാടാനും ഇത് കഴിക്കുന്നത് സഹായിക്കുന്നു 

 ജീരകം വായുകോപം തടയുന്നു: ജീരകം നാരുകളുടെ സമൃദ്ധമായ ഉറവിടമായതിനാൽ, ഇത് കഴിക്കുന്നത് വായുകോപത്തിന്റെ പ്രശ്‌നം ഒഴിവാക്കുന്നു.

( കടപ്പാട് : വാട്സ് ആപ്പ് )

കൂൺ കൃഷിയിലെ അനന്ത സാധ്യതകൾ

കാർഷികം - കരിമ്പ്

മധുരത്തിന്റെ പ്രകൃതിയിലെ കലർപ്പില്ലാത്ത കലവറയാണ് കരിമ്പ.് ഭാരതീയർ പണ്ടുമുതലേ ഉപയോഗിച്ചുവരുന്ന പുൽവർഗത്തിൽപ്പെട്ട ഒരു ഏകവർഷി ഔഷധിയാണ് കരിമ്പ്. ബ്രസീലിൽ കരിമ്പ് നീര് സംസ്കരിച്ച് കാറുകൾക്ക് ഇന്ധനമായി ഉപയോഗിക്കുന്നുണ്ട്. നമ്മുടെ ആയുർവേദാചാര്യനായ ചരകൻ തന്റെ ചരകസംഹിതയിൽ മൂത്ര വർധക ദ്രവ്യങ്ങളിൽ ഏറ്റവും മുന്തിയതായാണ് കരിമ്പിനെ പറയുന്നത്. ഹിന്ദുപുരാണത്തിൽ കാമദേവന്റെ വില്ല് നീലക്കരിമ്പിൻ തണ്ടുകൊണ്ടുണ്ടാക്കിയതാണ്. 

''ധാത്രീഫലാനാ രസമിക്ഷുജശ്ച മദ്യം

പിപേത് ക്ഷൗദ്രയുതം ഹിതാനി '' 

(ചരക സംഹിത)

"കരിമ്പിൻ നീരിൽ അമുക്കുരം ചേർത്ത് വിധിപ്രകാരം കാച്ചിയെടുത്ത് കുടിച്ചാൽ ക്ഷയരോഗത്തിനുവരെ ശമനം കിട്ടുമെന്നാണ് ആയുർവേദവിധി."

ഇന്ത്യയിൽ യഥേഷ്ടം ജലം ലഭിക്കുന്ന, ഉഷ്ണമേഖലാപ്രദേശങ്ങളിൽ കൃഷിചെയ്തുവരുന്ന വിളയാണിത്.

പഞ്ചാബ്, മഹാരാഷ്ട്ര, ഉത്തർപ്രദേശ്, ബീഹാർ എന്നിവിടങ്ങളിൽ വ്യാപകമായും കേരളം പോലുള്ള സംസ്ഥാനങ്ങളിൽ ഭാഗികമായും കൃഷിചെയ്തുവരുന്നു. സംസ്കൃതത്തിൽ ഇക്ഷു, ഇക്ഷുകുഃ, രസാലഃ, ഗണ്ഡീരി, മധുതൃഷ്ണ, ദീർഘഛദ, ഭ്രരിരസ എന്നിങ്ങനെ വിവക്ഷിക്കപ്പെടുന്ന കരിമ്പ് ഇംഗ്ലീഷിൽ ഷുഗർകെയ്ൻ എന്നും തമിഴിൽ കരൂമ്പു, ഹിന്ദിയിൽ ഈഖ്, സാംദാ, ഗാംഠോ, ഹംഗാളിയിൽ ആക് എന്നും പറഞ്ഞുവരുന്നു.

ഇത് പോയേസീ കുടുംബത്തിലെ അംഗമാണ്, ഗ്രാമിയേനയിലെ ഒരു ഉപവിഭാഗമായ ആൻഡപ്പോഗോണിയോയിലുള്ള ഒരു പ്രമുഖാംഗമാണ് കരിമ്പ്. സക്കാറം ഒസിഫിനാരം എന്നാണ് കരിമ്പിന്റെ ശാസ്ത്രനാമം. തൊലിയുടെ നിറത്തിന്റെ അടിസ്ഥാനത്തിൽ ഇളം പച്ച, കടുംപച്ച, ചുവപ്പ് , വയലറ്റ്, ചുവപ്പ് കലർന്ന തവിട്ട് എന്നിങ്ങനെ വിവിധതരത്തിൽ കരിമ്പുണ്ട്.

ഏകദേശം നാല്-അഞ്ച് മീറ്റർ ഉയരത്തിൽ വളരുന്നതും ഉറപ്പുള്ള കാണ്ഡത്തോടു കൂടിയതുമാണ് കരിമ്പ്. ഇതിന് അനവധിമുട്ടുകൾ കാണപ്പെടുന്നു. വലിയകരിമ്പിന് ഇരുപതിൽക്കൂടുതൽ മുട്ടുകൾ കാണാം. എല്ലാമുട്ടിലും ധാരാളം വേരുമുകുളങ്ങളുണ്ടാകും. ഇലകൾ കനം കുറഞ്ഞ് നീണ്ടതാണ്. ഏകദേശം അരമീറ്റർ മുതൽ ഒന്നേകാൽ മീറ്റർ വരെ നീളവും ആറ്-ഏഴ് സെമീ വിതിയും ഇലകൾക്കുണ്ടാകാം. ഉപരിതലം പരുപരുത്തതായിരിക്കും. പൂവുകൾ കുലകളായാണ് ഉണ്ടാകുക. പൂവുകൾക്ക് നല്ലവെള്ളനിറമുണ്ടാകും വളരെ അപൂർവമായി മാത്രമേ കരിമ്പിൽ വിത്തുകൾ ഉണ്ടാകാറുള്ളൂ.

കരിമ്പുകൃഷി

ഒരുപ്രധാന ഉഷ്ണമേഖലാവിളയായ കരിമ്പ് നല്ലനീർവാർച്ചയുള്ള ഫലഭൂയിഷ്ടമായ കരിമണ്ണിലാണ് ധാരാളമായി വളരുക. നദീതടങ്ങളിലെ എക്കൽ കലർന്ന മണ്ണിലും കരിമ്പ് നന്നായി വളരും. വ്യാവസായികമായി ശർക്കര, പഞ്ചസാര എന്നിവ നിർമിക്കാനാണ് കരിമ്പ് വ്യാപകമായി ഉപയോഗിച്ചു വരുന്നത്. കരിമ്പുകൃഷിയിൽ ബ്രസീൽ കഴിഞ്ഞാൽ രണ്ടാംസ്ഥാനം ഇന്ത്യയ്ക്കാണ്. ഉത്തർപ്രദേശിലെ ഗംഗാതടങ്ങളിലാണ് കരിമ്പ് സമൃദ്ധമായി വളരുന്നത്.

കൃഷിയിടമൊരുക്കൽ

കരിമ്പ് കൃഷിയിൽ നിലമൊരുക്കലിൽ ഏറെ ശ്രദ്ധയാവശ്യമാണ്. കരിമ്പ് നടുന്നതിനുമുമ്പ് കൃഷിയിടം കുറഞ്ഞത് മൂന്നു പ്രാവശ്യമെങ്കിലും ഉഴുത് മറിക്കണം. അതിനുശേഷം അതിൽ സെന്റൊന്നിന് 30-40 കിലോ തോതിൽ കാലിവളമോ കമ്പോസ്റ്റോ ചേർത്തിളക്കി നിരപ്പാക്കണം.

അമ്ലഗുണം കൂടുതലുള്ള മണ്ണാണെങ്കിൽ ആവശ്യത്തിന് ഡോളമൈറ്റോ കുമ്മായമോ ചേർത്തുകൊടുക്കാം. അങ്ങനെ വളംചേർത്ത് നിരപ്പാക്കിയ നിലത്ത് നീളത്തിലോ കുറുകെയോ ചാലെടുത്താണ് കരിമ്പിൻ തണ്ടുകൾ നടേണ്ടത്. കരിമ്പിന്റെ വളർച്ചയുടെ ആദ്യകാലങ്ങളിൽ കൂടിയ താപനില വേണം. വരിയും നിരയുമായാണ് ചാലുകളെടുക്കേണ്ടത്. ചാലുകൾ തമ്മിൽ കുറഞ്ഞത് മുക്കാൽമീറ്റർ അകലവും ചാലിന്റെ താഴ്ച കുറഞ്ഞത് അരമീറ്ററെങ്കിലും ഉണ്ടായിരിക്കണം. മൂപ്പ് കൂടിയ ഇനങ്ങൾക്ക് 90 സെമീ വരെ അകലം വിടാം. ചരിഞ്ഞസ്ഥലങ്ങളിലാണ് കൃഷിയിറക്കുന്നതെങ്കിൽ 75 സെമീ അകലത്തിലും 30 സെമീ എങ്കിലും താഴ്ചയുമുള്ള തടങ്ങളെടുത്താകണം നടുന്നത്.

നടീൽവസ്തു

മൂപ്പായ കരിമ്പിൻ തണ്ടിന്റെ ദൃഢത കുറഞ്ഞ മുകളറ്റമാണ് നടീൽവസ്തുവായി ഉപയോഗിക്കുന്നത്. ഒരേക്കറിന് നടാൻ മൂന്നുമുട്ടുകളോടെ മുറിച്ചെടുത്ത 13000 ത്തോളം കഷണങ്ങൾ കുറഞ്ഞത് അത്യാവശ്യമാണ്. കുമിൾ രോഗബാധയൊഴിവാക്കാൻ ഇവ 0.25 ശതമാനം ഗാഢതയുള്ള ബോർഡോ മിശ്രിതത്തിൽ മുക്കിയ ശേഷം നടണം. ചാലുകളിൽ ഒന്ന് ഒന്നിനോട് ചേർത്തുവെച്ച് മണ്ണിട്ട് മുടണം.

വളങ്ങൾ ചേർക്കാം

മുളച്ചുപൊന്തിയാൽ ഇടയിളക്കുന്ന സമയത്ത് ചാലുകൾ ഉണ്ടാക്കണം. കാലിവളമോ കമ്പോസ്റ്റോചേർത്തശേഷം മണ്ണ് ചുവട്ടിൽ കൂട്ടിക്കൊടുത്തുകൊണ്ടേയിരിക്കണം.  ഇടവിളയായി പയർ വിതച്ച് അവ പൂവിടുന്നതോടെ പിഴുതെടുത്ത് കരിമ്പിൻ ചാലിൽ ഇട്ടുമൂടിക്കഴിഞ്ഞാൽ നല്ല വളക്കൂറുണ്ടാകും. ഇടവിളയായി പയർ നടുന്നത് കളകളെ മെരുക്കാനും നല്ലതാണ്.

മഴയുടെ ലഭ്യതയുടെ തോതനുസരിച്ചാണ് നന കൊടുക്കേണ്ടത്. കിളിർത്തു കഴിഞ്ഞാൽ മാത്രമേ നന്നായി നന കൊടുക്കാവൂ. കാരണം വെള്ളം നിന്നാൽ മുള ചീഞ്ഞുപോകും. വിളയുടെ അവശിഷ്ടങ്ങൾകൊണ്ടും മറ്റ് ജൈവാവശിഷ്ടങ്ങൾകൊണ്ടും പുതയിടുന്നത് ജലനഷ്ടം ഒഴിവാക്കാം.

വിളവെടുക്കൽ

സധാരണയായി വർഷത്തിലൊരു തവണയാണ് കരിമ്പ് വിളവെടുക്കുന്നത്.  വിളവ് കുറയുന്നത് കരിമ്പിന്റെ നീരിന്റെ അളവിനെ ബാധിക്കുമെന്നതിനാൽ ഏറ്റവും മൂത്ത അവസ്ഥയിൽ മാത്രമേ വിളവെടുപ്പ് നടത്താവൂ. ഒരു തവണ നട്ടാൽ മൂന്നുതവണ (മൂന്നുവർഷംവരെ) വിളവെടുക്കാം. കരിമ്പിന്റെ വിളയവശിഷ്ടങ്ങൾ കൃഷിയിടത്തിൽത്തന്നെ ജൈവപുതയായും നൽകാം.

കരിമ്പിൻ തണ്ടുകൾ ആട്ടി വറ്റിച്ചെടുത്താണ് ശർക്കര നിർമിക്കുന്നത്്. നിരവധി മരുന്നുകളിലും ശർക്കര ചേർത്തുവരുന്നു. വേരു ചീയൽ, ചെഞ്ചീയൽ, മറ്റ് ഫംഗസ് രോഗങ്ങൾ എന്നിവയും തണ്ടുതുരപ്പനുമാണ് കരിമ്പിന്റെ പ്രധാന ശത്രുക്കൾ. വേപ്പധിഷ്ഠിതകീടനാശിനികളുടെ ഉപയോഗം ആവണക്കെണ്ണ, വെളുത്തുള്ളി മിശ്രിതം എന്നിവ രോഗം വരാതിരിക്കാനായി തളിക്കാവുന്നതാണ്.

ഇലപ്പുള്ളിരോഗം

ഇലയുടെ അടിഭാഗത്ത് വെള്ളത്തിനാൽ നനഞ്ഞപോലെയുള്ള പാടുകളും അതിനെത്തുടർന്ന്് ഇലയുടെ ഉപരിതലത്തിൽ മഞ്ഞക്കുത്തുകൾ പ്രത്യക്ഷപ്പെടുന്നതുമാണ് ഇതിന്റെ ലക്ഷണം. പിന്നീട്് ഈ മഞ്ഞക്കുത്തുകൾ വലുതായി ഇലമൊത്തം വ്യാപിച്ച് കരിഞ്ഞുണങ്ങുകയും ചെയ്യും. രോഗം കാണുന്ന ഇലകൾ നശിപ്പിക്കുകയും സ്യൂഡോമോണസ് ലായനി രണ്ടുശതമാനം വീര്യത്തിൽ ഇലകളുടെ ഇരുവശങ്ങളിലും വീഴത്തക്ക വിധവും സമൂലവും തളിക്കുകയെന്നതാണിതിന്റെ പ്രതിരോധമാർഗങ്ങൾ. രാസകൃഷിയിൽ ഒട്ടേറെ ഫലപ്രദമായ കിടനാശിനികൾ ഉപയോഗിച്ചുവരുന്നുണ്ട.് അതിൽ കഠിനമായ രീതിയിൽ ആരോഗ്യത്തെ ബാധിക്കുന്നതും ഉണ്ടാകും. പക്ഷേ, വ്യാവസായികമായി ഉത്പാദിപ്പിക്കുന്നവർ ഇതൊഴിവാക്കാറില്ല.

ഗുണങ്ങൾ

ആയുർവേദത്തിൽ പിത്തത്തെ ശമിപ്പിക്കാൻ കരിമ്പിൻനീര് ഉപയോഗിക്കാറുണ്ട്. മൂത്രതടസ്സം നീക്കാനും മഞ്ഞപ്പിത്തം ശമിപ്പിക്കാനും രക്തപിത്ത ശമനത്തിനും കരിമ്പിൻ നീര് ഉത്തമമാണ്. മൂക്കിൽകൂടി രക്തം വരുന്ന അസുഖത്തിന് കരിമ്പിൻ നീര് മുന്തിരി നീരുമായിച്ചേർത്ത് നസ്യം ചെയ്യാറുണ്ട്. ഏറ്റവും പ്രധാനമായ ഉപയോഗം ക്ഷയരോഗത്തിനെതിരെയുള്ള മരുന്നായാണ്.

പഞ്ചസാര, കാൽസ്യം ഓക്സലേറ്റ്്, സുക്രോസ്, സറ്റാർച്ച്, സെല്ലുലോസ്, പെന്റോസാൻസ്, ലിഗ്നിൻ എന്നിവയും സിട്രിക്, മാലിക്, മെസക്കോണിക് സക്സിനിക്, നൈട്രോജെനിക് എന്നീ ആസിഡുകൾ അടങ്ങിയിരിക്കുന്നു. ഇതിൽ സൈറ്റോസിൻ, ക്ലോറോഫിൽ, ആൻഥോസയാനിൻ എന്നിവയും അടങ്ങിയിരിക്കുന്നു.

''മധുരശ്ചേഷു രസോവാതം

വരധയതി ശീത വീര്യാത്വാത്''

എന്ന ശുശ്രുത സൂത്രത്തിലെ വരികൾ കരിമ്പിന്റെ വാതദോഷത്തെ വിവരിക്കുന്നതാണ്.

എന്നിരുന്നാലും കരിമ്പെന്ന പുൽവർഗ ഔഷധസസ്യം നമ്മുടെ ലോകത്ത് വാണിജ്യപരമായും ഔഷധപരമായും ഒഴിച്ചുകൂടാൻ പറ്റാത്ത ഒന്നായി മാറിയിരിക്കുന്നു

നിങ്ങളുടെ തൊടിയിലും ഒരു ചുവട് കരിമ്പ് വളരട്ടെ 

( കടപ്പാട് : വാട്സ് ആപ്പ് )

കാർഷികം - വെറ്റില

വെറ്റിലയുടെ ഔഷധ ഗുണങ്ങൾ

വെറ്റില വിലയില്ലാത്ത ഇലയല്ല, ന്യൂട്രീഷ്യൻ ഘടകങ്ങളുടെയും ഔഷധഗുണങ്ങളുടെയും കലവറയാണ് വെറ്റില. പല ഫാർമസ്യൂട്ടിക്കൽ മരുന്നുകൾക്കും ഒരുപടി മേലെ നിൽക്കും ഈ പ്രകൃതിദത്ത ഔഷധം. കടുത്ത തലവേദനകൊണ്ട് പുളയുന്ന നിങ്ങൾക്ക് വളരെ ആശ്വാസം പകരാൻ വെറ്റിലയ്ക്ക് കഴിയും എന്ന കാര്യം അറിയാമോ? വില വളരെ കുറവാണെങ്കിലും ഈ സസ്യത്തിന്റെ ഗുണങ്ങൾ നിരവധിയാണ്. ഇന്ത്യൻ സംസ്കാരത്തിന്റെ തന്നെ ഒരു ഭാഗമാണ് ഈ സസ്യം. പുരാണങ്ങൾ മുതൽ നമുക്ക് വെറ്റിലയുടെ സാന്നിധ്യം കാണാം. ഇന്നും പല ചടങ്ങുകളിലും വെറ്റിലയ്ക്ക് പ്രാധാന്യമുണ്ട്. അതുകൊണ്ട് തന്നെ വെറ്റില ആരോഗ്യത്തിന് നൽകുന്ന ചില ഗുണങ്ങളും, ഉപയോഗം അമിതമായാൽ ഉണ്ടായേക്കാവുന്ന ചില ആരോഗ്യ പ്രശ്നങ്ങളും മനസ്സിലാക്കാം.

ഇന്ത്യൻ സംസ്കാരവും വെറ്റിലയും

ഇന്ത്യൻ സംസ്കാരത്തിലെ പ്രധാനപ്പെട്ട ഒന്നാണ് വെറ്റില. വെറ്റില മുറുക്ക് അതിഥികൾക്ക് നൽകുന്നത് പലയിടങ്ങളിലും ആതിഥ്യ മര്യാദയുടെ അടയാളമാണ്. വിവാഹ ചടങ്ങുകളിലും മതാരാധനയുമായി ബന്ധപ്പെട്ടുള്ള ചടങ്ങുകളിലും പൂജകളിലുമെല്ലാം വെറ്റില അവിഭാജ്യ ഘടകംതന്നെയാണ്. ദക്ഷിണേന്ത്യൻ സംസ്കാരത്തിൽ, വിവാഹ ചടങ്ങിനിടെ അതിഥികൾക്ക് വെറ്റിലയും അടക്കയും തേങ്ങയും നൽകുന്നത് ഒഴിവാക്കാനാകാത്ത ഒരു ആചാരമാണ്. പ്രകൃതിദത്തമായ വേദന സംഹാരിയാണ് വെറ്റില. മുറിവുകൾ, വീക്കം എന്നിവയുള്ള സ്ഥലങ്ങളിൽ വെറ്റില ചതച്ചിടുന്നത് വേദനയിൽ നിന്ന് നിങ്ങൾക്ക് വലിയ ആശ്വാസം നൽകും. വെറ്റില ചവയ്ക്കുന്നതും വേദനയ്ക്ക് നല്ലതാണ്.

നൂറുഗ്രാം വെറ്റിലയിൽ അടങ്ങിയിരിക്കുന്ന പോഷക ഘടകങ്ങൾ എന്തെല്ലാമാണെന്ന് പരിശോധിച്ചുനോക്കാം.

• കലോറി            : 44Kcal
• വെള്ളം              : 85.4 ശതമാനം
• പ്രോട്ടീൻ           : 3.1 ശതമാനം
• മിനറലുകൾ    : 2.3 ശതമാനം
• കൊഴുപ്പ്            : 0.8 ശതമാനം
• ഫൈബർ          : 2.3 ശതമാനം

ദഹനം കൂട്ടുന്നു

വിറ്റാമിനുകളും പോഷകങ്ങളും കാര്യക്ഷമമായി ആഗിരണം ചെയ്യാൻ ആവശ്യമായ വയറിലെ ആസിഡുകളുടെ ഉൽപാദനത്തെ വെറ്റില ഉത്തേജിപ്പിക്കും. നിങ്ങളുടെ കുടൽ ശരിയായി പ്രവർത്തിക്കുന്നില്ലെങ്കിൽ നിങ്ങൾക്കു വേണ്ട പോഷകങ്ങളെ ആഗിരണം ചെയ്യാൻ അതിന് സാധിക്കില്ല. പക്ഷേ വെറ്റില ഇത് പരിഹരിക്കും. നിങ്ങളുടെ ഗ്യാസ്ട്രിക് ജ്യൂസുകളും ദഹന ആസിഡുകളും ശരിയായി പ്രവർത്തിക്കുന്നുണ്ടെന്ന് വെറ്റില ഉറപ്പാക്കുകയും ചെയ്യും.

മലബന്ധം ഒഴിവാക്കുന്നു 

 ആമാശയ സംബന്ധമോ ദഹന സംബന്ധേമാ ആയ പ്രശ്നങ്ങളുണ്ടെങ്കിൽ വെറ്റില മുറുക്കുന്നത് അവ ലഘൂകരിക്കാൻ സഹായിക്കും. ഈ സസ്യത്തിൽ അടങ്ങിയിരിക്കുന്ന വൻതോതിലുള്ള ആൻറി ഓക്‌സിഡൻറുകളാണ് ഇതിന് കാരണം. അവ നിങ്ങളുടെ പി‌.എച്ച് ബാലൻസ് ശരിയായ രീതിയിലാക്കും. ഒഴിഞ്ഞ വയറോടുകൂടി നിങ്ങൾ വെറ്റില ചവച്ചാൽ മലബന്ധത്തിനും അതു മൂലമുണ്ടാകുന്ന വേദനക്കും പരിഹാരമാകും.

വിശപ്പ് കൂട്ടും

 നിങ്ങൾ വിശപ്പില്ലായ്മ അനുഭവിക്കുന്നുണ്ടോ? നല്ല രീതിയിൽ വേണ്ടത്ര കലോറി നിങ്ങൾക്ക് ലഭിക്കുന്നില്ലെന്ന് തോന്നുന്നുണ്ടെങ്കിൽ വെറ്റില മുറുക്കുന്നതിലൂടെ അത് ലഭിക്കും. കൂടെ വേണ്ടത്ര വിശപ്പും ഉണ്ടാകും. ഇലകൾ നിങ്ങളുടെ വിശപ്പ് ഉത്തേജിപ്പിച്ച് പിഎച്ച് ബാലൻസ് ക്രമീകരിക്കും. ഇതുവഴി നിങ്ങളുടെ വിശപ്പില്ലായ്മ മാറ്റുകയും ചെയ്യും.

ചുമക്ക് ശമനമുണ്ടാക്കും

ചുമ ശമിപ്പിച്ച് കഫം ഉണ്ടാകുന്നത് കുറക്കാൻ വെറ്റിലക്കാകുമെന്നും കണ്ടെത്തിയിട്ടുണ്ട്. നിരന്തരമായ ചുമ മൂലമുണ്ടാകുന്ന അസ്വസ്ഥതകളും വെറ്റിലയുടെ ഉപയോഗം മൂലം സുഖപ്പെടും.

ബ്രോങ്കൈറ്റിസ് കുറയ്ക്കും

 വിട്ടുമാറാത്ത ബ്രോങ്കൈറ്റിസ് മൂലം നിങ്ങൾ കഷ്ടപ്പെടുന്നുണ്ടെങ്കിൽ വെറ്റില ഇലകൾ ചവക്കുന്നത് അത് മാറാൻ സഹായിക്കും. ഇത് നിങ്ങളുടെ അസ്വസ്ഥതകൾ കുറക്കുകയും, ശ്വാസതടസം നീക്കുകയും ചെയ്യും. അങ്ങനെ നിങ്ങളുടെ നെഞ്ചിലെ കനം കുറഞ്ഞ് ഇൗസിയായി ശ്വസിക്കാനുമാകും.

വിഷസംഹാരി

വെറ്റിലയിൽ അടങ്ങിയിരിക്കുന്ന ഉയർന്ന അളവിലുള്ള പോളിഫെനോൾ അതിനെ മികച്ച വിഷസംഹാരി ആക്കുന്നുണ്ട്. നിങ്ങളുടെ മുറിവുകളിലോ ഇത് പ്രയോഗിക്കുമ്പോൾ, അത് രോഗാണുക്കളെ കൊല്ലുകയും ആൻറി-ഇൻഫ്ലമേറ്ററി ഏജന്റായി പ്രവർത്തിക്കുകയും തൽക്ഷണം വേദന കുറയുകയും ചെയ്യും.

തലവേദന അകറ്റാൻ വെറ്റില

കടുത്ത മൈഗ്രെയിനോ തലവേദനയോ കൊണ്ട് നിങ്ങൾ ബുദ്ധിമുട്ടുകയാണെങ്കിൽ വെറ്റിലക്ക് നിങ്ങളെ സഹായിക്കാനാവും. ഒന്നുകിൽ വെറ്റില ചതച്ച് നീരു പിഴിഞ്ഞ് നെറ്റിയിൽ പുരട്ടാം. അതെല്ലങ്കിൽ നിങ്ങളുടെ നെറ്റിയിൽ ഇല വെച്ച് മസാജ് ചെയ്യാം.

പേശീ വലിവ് ഒഴിവാക്കും

 പേശികളുടെ പിരിമുറുക്കം കുറക്കാനും വെറ്റില നല്ലതാണ്. വെറ്റില വെളിച്ചെണ്ണയിൽ കലർത്തി തേച്ച് കാലുകളിലും പേശീവലിവുള്ളിടങ്ങളിലും മസാജ് ചെയ്യുമ്പോൾ വേദനയും നീർവീക്കവും പമ്പകടക്കും.

അണുബാധ തടയുന്നു

എല്ലാ ദിവസവും വെറ്റില ചവച്ചരക്കുന്നത് ഫംഗസ് അണുബാധക്കുള്ള നല്ല ചികിത്സയാണ് എന്നതാണ് കണ്ടെത്തൽ. ഇൗ ഇലകൾക്ക് ഫംഗസ് വിരുദ്ധ ഗുണങ്ങളുള്ളതിനാൽ വലിയൊരു പ്രകൃതിദത്ത ഒൗഷധമായി ഇത് പ്രവർത്തിക്കുന്നു.

മനസിനെ ഉത്തേജിപ്പിക്കുന്നു

മാനസിക ജാഗ്രത വർദ്ധിപ്പിച്ച് മനസിനെ ഉത്തേജപ്പിക്കാൻ വെറ്റില ഇലകൾക്കാവും. ഇത് തേനിൽ കലർത്തി എടുത്താൽ ഒന്നാന്തരം ഒരു ടോണിക്ക് ആയി പ്രവർത്തിക്കും. ഇതുമൂലം നിങ്ങൾക്ക് കൂടുതൽ ഉൗർജ്ജസ്വലതയും അനുഭവപ്പെടും.

മുഖക്കുരു മാറ്റാം

മുഖക്കുരു പ്രശ്നങ്ങൾ പരിഹരിക്കുന്നതിന് വെറ്റില വളരെ നല്ലതാണ്. നിങ്ങൾക്ക് മുഖത്ത് കറുത്ത പാടുകളോ അല്ലെങ്കിൽ മുഖക്കുരുവോ നിറഞ്ഞിട്ടുണ്ടെങ്കിൽ വെറ്റിലയിൽ നിന്ന് നീര് വേർതിരിച്ചെടുത്ത് മുഖത്ത് പുരട്ടാം.

ചെവി വേദനക്ക് പരിഹാരം

വെറ്റില ജ്യൂസും വെളിച്ചെണ്ണയും സംയോജിപ്പിച്ചാൽ അത് ചെവി വേദന മാറ്റാനുള്ള മരുന്നായി പ്രവർത്തിക്കും. ഇത് ഉപയോഗിച്ച ഉടനെ തന്നെ വ്യത്യാസം അനുഭവപ്പെടും, ഇതുകൂടാതെ അണുബാധകൾക്കും വെറ്റില ഉത്തമമാണ്.

വായ്നാറ്റവും മറ്റ് ദുർഗന്ധവും ഇല്ലാതാക്കാൻ

നിങ്ങളിൽ നിന്ന് ദുർഗന്ധം വമിക്കുന്നുണ്ടോ? ശരീരത്തിനുണ്ടാകുന്ന ദുർഗന്ധം ഇല്ലാതാക്കുന്നതിന് കൂടുതൽ ഫലപ്രദമായതിനാൽ കെമിക്കൽ ഡിയോഡ്രൻറുകൾക്ക് പകരം ഉപയോഗിക്കാൻ പറ്റുന്ന നല്ലൊരു ഒൗഷധമാണ് വെറ്റിലയുടെ നീര്.

രക്തസ്രാവം തടയുന്നു

സൂര്യപ്രകാശത്തിൽ കൂടുതൽ സമയം കളിക്കാൻ ചെലവഴിക്കുമ്പോൾ കുട്ടികൾക്ക് മൂക്കിൽ നിന്നുണ്ടാകുന്ന രക്ത സ്രാവം മാറ്റാനുള്ള പരിഹാരമായി ഇത് പ്രവർത്തിക്കും.

വായ്നാറ്റം മാറ്റും

വായ്നാറ്റം മാറ്റി നിങ്ങളുടെ ശ്വാസത്തെ ശുദ്ധീകരിക്കാനും, മറ്റ് അണുക്കളുടെ ആക്രമണം തടയാനും വെറ്റില എണ്ണ അത്യുത്തമമാണ്. ഇത് നിങ്ങളുടെ മോണകളുടെ ശക്തി വർദ്ധിപ്പിക്കുകയും പല്ലുകൾ കേടാകുന്നത് തടയുകയും ചെയ്യും.

പ്രമേഹരോഗികൾക്ക് നല്ലത്

വെറ്റില ചവയ്ക്കുന്നത് പ്രമേഹ രോഗികൾക്ക് നല്ലതാണെന്ന് പറഞ്ഞാൽ വിശ്വസിക്കുമോ? രക്തത്തിലെ പഞ്ചസാരയുടെ അളവ് നിയന്ത്രിക്കാൻ വെറ്റില അത്യുത്തമമാണെന്നാണ് പറയുന്നത്. ടൈപ്പ് -2 പ്രമേഹമുള്ളവർക്ക് ഇത് നല്ല മാറ്റമുണ്ടാക്കും. മാത്രമല്ല ഇതിന് കൊളസ്ട്രോൾ കുറക്കാനുള്ള ഗുണങ്ങളും ഉണ്ട്.

മാനസികാവസ്ഥ മെച്ചപ്പെടുത്തും

വിഷാദരോഗത്തെ മറികടക്കുന്നതിനും നിങ്ങളുടെ മാനസികാരോഗ്യം വർധിപ്പിക്കുന്നതിനും വെറ്റില സഹായിക്കുന്നുണ്ട്. ഇത് പതിവായി കഴിച്ചാൽ ഉന്മേഷവും സന്തോഷവും തോന്നും

ഒരു വെറ്റിലക്കൊടി എല്ലാ വീട്ടിലും നട്ടു പിടിപ്പിക്കുക. 

ഔഷധമായി ഉപയോഗിക്കുന്നതിന് മുൻപ് വൈദ്യ നിർദേശം നിർബന്ധമാണ്.

( കടപ്പാട് : വാട്സ് ആപ്പ് )

Mushrooms for Health and Happiness

കാർഷികം - അഗത്തി ചീര

ശാസ്ത്രനാമം - Sesbania Grandiflora

സംസ്കൃതം - അഗസ്തി

ലഘു ഔഷധ വൃക്ഷമായ അഗത്തി ഇന്ത്യയിൽ എല്ലായിടത്തും തമിഴ് നാട്ടിൽ സവിശേഷമായും വളരുന്നു. പൂവുകളുടെ നിറഭേദമനുസരിച്ചു അഗത്തിയെ നാലായിതിരിച്ചിട്ടുണ്ട് - വെള്ള, മഞ്ഞ, നീല, ചുവപ്പ്.

ആയുർവേദത്തിൽ അഗത്തിയുടെ ഇലയും പൂവും കായകളും മരത്തൊലിയും ഔഷധമായി ഉപയോഗിക്കുന്നു. പിത്തകഫങ്ങൾ ശമിപ്പിക്കുന്ന അഗത്തി സൈനസൈറ്റീസ്, തലവേദന, പനി, വ്രണചികിത്സ എന്നിവയുടെ ചികിത്സയിൽ ഫലപ്രദമാണ്. ജീവകം എ അഭാവം മൂലമുള്ള എല്ലാ രോഗങ്ങൾക്കും അഗത്തി അതീവ ഗുണകരമാണ്. അഗത്തി ജഠരാഗ്നിയെ ഉദ്ദീപിക്കുകയും ശരീരത്തിലെ ചൂടു കുറയ്ക്കുകയും സൂക്ഷ്മനാഡികളുടെ വൈകല്യങ്ങൾ പരിഹരിക്കുകയും ചെയ്യുന്നു. ജീവകം എ -യും കാത്സ്യവും വമ്പിച്ച തോതിൽ അടങ്ങിയിട്ടുള്ള ഈ സസ്യത്തിന്റെ ഇലചാർ ഓരോ ടീസ്പൂൺ വീതം സേവിക്കുന്നത് ഏറ്റവും ആരോഗ്യദായകമാണ്. അഗത്തി പൂവിനു പിത്തം, രക്തദോഷം, പീനസം, ത്വക് രോഗങ്ങൾ എന്നിവ ശമിപ്പിക്കാനുള്ള ശേഷിയുണ്ട്. ഗർഭിണികളിൽ കാണുന്ന ജീവകാഭാവരോഗങ്ങൾക്കും ഈ സസ്യം ഫലപ്രദമാണ്. അഗത്തിയില തോരൻ പതിവായി സേവിക്കുന്നത് ക്ഷീണിതരായ എല്ലാവർക്കും വളരെ ഗുണകരമാണ്.

ചില ഔഷധപ്രയോഗങ്ങൾ

• വായ്പുണ്ണ് : അഗത്തിയില നീര് സേവിക്കുന്നത് നല്ലതാണ്, അഗത്തിയില ചവയ്ക്കുന്നത് വായയും തൊണ്ടയും disinfect ചെയ്യാൻ നല്ലതാണ്
• നിശാന്ധത(Night blindness) : 15ml വീതം അഗത്തിയില നീര് ദിവസം രണ്ടു നേരം സേവിക്കുക. അഗത്തിപൂവ് (3gm) കൽക്കം ആക്കി നെയ്യിൽ വറുത്ത് സേവിക്കുക.
• തലവേദന, കഫജജ്വരം : അഗത്തിയില നീര് (2-3 drops) കൊണ്ട് നസ്യം ചെയ്യുക.
• പനി : അഗത്തിയില കൽക്കമാക്കി പുറമെ പുറമെ ലേപനം ചെയ്യുക.
• സന്ധിവാതം, രക്തവാതം എന്നിവയോട് അനുബന്ധിച്ചു ഉണ്ടാകുന്ന നീരോടു കൂടിയ വേദന : വേരും തൊലിയും അരച്ച് പുറമെ ലേപനം ചെയ്യുക.
• ഉദരശൂല : 5gm ത്വക് 100ml വെള്ളത്തിൽ തിളപ്പിച്ച്‌ 25ml ആക്കി അതിൽ ഉപ്പും കായവും ചേർത്ത് സേവിക്കുക.
• മൂത്രാശയകല്ല് : അഗത്തിയില വേവിച്ച വെള്ളം സ്ഥിരമായി കുടിക്കുന്നത് നല്ലതാണ്.
• അർശസ് : അഗത്തിയില തോരനും അഗത്തിയില രസവും നിത്യേന സേവിക്കുക.
• വിരശല്യം : അഗത്തിയില സ്വരസം (10-20ml) വെറും വയറ്റിൽ 2 ആഴ്ച കഴിക്കുക.

അഗത്തി നിത്യാഹാരത്തിൽ 

• അഗത്തിയുടെ ഇല, പൂവ് തോരൻ വെച്ചു കഴിക്കാം.
• അഗത്തി പൂവ് ബജി ഉണ്ടാക്കാനും ഉപയോഗിക്കാം.
• അഗത്തിപൂവ് സൂപ്പ് ഉണ്ടാക്കാം : അഗത്തിയുടെ പൂവ് എടുത്തു ഇതളുകൾ ആക്കുക ആവിശ്യത്തിനു വെള്ളം ചേർത്ത് വേവിക്കണം, മഞ്ഞൾപൊടി, കുരുമുളക്പൊടി, ഉപ്പ്, ജീരകം, ഒരൽപ്പം ശർക്കര എന്നിവയും വേവിക്കുമ്പോൾ ചേർക്കാം. ചെറു ചൂടോടെ കഴിക്കാം. നെയ്യ് ഇഷ്ടമുള്ളവർക്ക് ചേർക്കാവുന്നതാണ്.

ഔഷധമായി ഉപയോഗിക്കുന്നതിന് മുൻപ് വൈദ്യ നിർദേശം നിർബന്ധമാണ്.

ആഹാരത്തിൽ പറ്റുന്നത്ര ഉൾപെടുത്താൻ ശ്രമിക്കുക....

( കടപ്പാട് : വാട്സ് ആപ്പ് )

കാർഷികം - ചീര

പോഷകസമ്പുഷ്ടവും ആരോഗ്യ പരിപാലനത്തിന് ധാരാളം സഹായിക്കുന്നവയുമാണ് ഇലക്കറികൾ. ഇലക്കറികളിൽ ഏറ്റവും പ്രധാനം ചീര തന്നെ. ഇലകൾക്കുവേണ്ടി മാത്രം കൃഷിചെയ്യുന്നതു കൊണ്ട് ഏറ്റവും കുറഞ്ഞകാലം കൊണ്ട് വിളവെടുക്കാവുന്നതും പരിചരണമുറകൾ താരതമ്യേന എളുപ്പമായതുമായ ഒരു വിളയാണ് ചീര. ഇലകളിൽ സമൃദ്ധമായി സൂര്യപ്രകാശം പതിക്കുന്ന സാഹചര്യവും, ആവശ്യത്തിന് പോഷകഗുണമുള്ള മണ്ണും എപ്പോഴും ഈർപ്പത്തിന്റെ സാന്നിധ്യവുമുണ്ടെങ്കിൽ ചീര കൃഷിയിൽ വിജയം നേടാം. നേരിട്ടു വിത്തുപാകിയോ പറിച്ചുനട്ടോ പുതിയ തൈകൾ വളർത്തിയെടുക്കാനും പറ്റും.

പൊതുവേ ബലം കുറഞ്ഞ തണ്ടുകളാണ് ചീരയുടേത്. തുടർച്ചയായി വിളവെടുക്കുന്നതു കൊണ്ട് പുതിയ തളിർപ്പുകളിൽ ഇലകളുടെ വളർച്ച പൂർത്തിയായാൽ വീണ്ടും വിളവെടുപ്പു നടത്താം. മുറിച്ചെടുത്ത ചീര ചെറുതായി അരിഞ്ഞ് കറിവെക്കാനുപയോഗിക്കുന്നു. പാകം ചെയ്യാൻ പറ്റാതെ കളയാൻ ഒന്നുമില്ലാത്ത 100 ശതമാനം ഭക്ഷ്യയോഗ്യമായ പച്ചക്കറിയാണ് ചീര.

ചീരകൃഷി എളുപ്പമാണെങ്കിലും തുടക്കക്കാർക്ക് പലപ്പോഴും പരാജയം സംഭവിക്കാറുണ്ട്. വിജയകരമായ ചീരകൃഷിക്ക് ചില പ്രത്യേക ഘട്ടങ്ങളിലെ പരിചരണത്തെക്കുറിച്ചുള്ള അറിവ് പ്രധാനമാണ്. ഉറുമ്പുകൾക്ക് ചീര വിത്ത് ഇഷ്ടഭക്ഷണമാണ്.

ചീരവിത്ത് മുളപ്പിക്കാനായി ഗ്രോബാഗിലോ, തടങ്ങളിലോ വിതറി ഇടുമ്പോൾ അതിനുള്ളിലേക്ക് ഉറുമ്പു വരാതെ നോക്കണം. തടത്തിന്/ഗ്രോബാഗിന് ചുറ്റും ഒരു ചെറിയ ചരടിന്റെ വീതിയിൽ മഞ്ഞൾപൊടി തൂകിയാൽ ഉറുമ്പുകൾക്ക് അതിനുള്ളിലേക്ക് കടക്കാൻ സാധിക്കില്ല. എല്ലാ വിത്തുകളും മുളച്ചുകിട്ടുകയും ചെയ്യും.

തയ്യാറാക്കിയ തടത്തിൽ/ഗ്രോബാഗിൽ ധാരാളം ചാണകപ്പൊടിയോ, കമ്പോസ്റ്റോ അല്ലെങ്കിൽ പശിമയുള്ള മണ്ണുമായി കലർത്തി വിതറിയാണ് വിത്തുപാകൽ നടത്തേണ്ടത്.

വിത്തുപാകിയശേഷം പൂപ്പാട്ട കൊണ്ടോ കൈകൊണ്ട് നേർമ്മയായി തളിച്ചോ നനച്ച് കൊടുക്കുമ്പോൾ വിത്ത് തനിയെ മണ്ണിനുള്ളിലേക്ക് ഇറങ്ങിക്കോളും. നനച്ചതിനുശേഷം തടത്തിന്/ഗ്രോബാഗിനു മുകളിൽ കുറച്ചുകൂടി ചാണകപ്പൊടിയോ കമ്പോസ്റ്റോ നേർത്ത ആവരണം പോലെ വിതറുന്നതും നല്ലതാണ്.

വിത്ത് മുളച്ച് ആദ്യത്തെ ഇലകൾ വിരിയുന്നതുവരെയുള്ള 5-10 ദിവസത്തെ നനയുടെ രീതി, അളവ്, വെള്ളം ചെറുതൈകളിൽ വീഴുന്നതിന്റെ ആഘാതം എന്നിവ വളരെ പ്രധാനപ്പെട്ടതാണ്. മണ്ണിൽ നല്ല ഈർപ്പം നിലനിർത്തുന്നതിനാവശ്യമായ നനയാണ് വേണ്ടത്. പൂപ്പാട്ട കൊണ്ടോ, ഹോസിന്റെ അറ്റത്ത് ഷവർ പിടിപ്പിച്ച് വെള്ളം, നേർത്ത മഴച്ചാറൽപോലെ കിട്ടുന്നവിധത്തിലോ വേണം നനച്ചുകൊടുക്കാൻ. വേനൽക്കാല മാസങ്ങളിൽ ദിവസം രണ്ടുനേരം നനക്കേണ്ടിവരും. അല്ലാത്ത സീസണുകളിൽ ദിവസത്തിൽ ഒരു തവണ നനച്ചാൽ മതി.

കേരളത്തിലെ വേനലിനെ നേരിടാനുള്ള കരുത്തുണ്ട് കുഞ്ഞുചീരച്ചെടികൾക്ക്. മണ്ണിൽ ആവശ്യത്തിന് പോഷകവും ഈർപ്പവും വേണമെന്നുമാത്രം. ചെടികളുടെ വേഗത്തിലുള്ള വളർച്ചയിൽ നിന്നും മണ്ണിന്റെ പോഷകഗുണം മനസ്സിലാക്കാം.

നല്ല വളക്കൂറുള്ള മണ്ണിൽ വളരുന്ന ചീരത്തടത്തിൽ നിന്നും ഓരോ 10 ദിവസം കഴിയുമ്പോളും വിളവെടുപ്പു നടത്താം. ഓരോ വിളവെടുപ്പിനുശേഷവും ചാണകം കലക്കിയ സ്ലറിയോ 10 ഇരട്ടി നേർപ്പിച്ച ഗോമൂത്രമോ മാത്രം വളമായി ഒഴിച്ചുകൊടുത്തുകൊണ്ട് വിജയകരമായി ചീരകൃഷി ചെയ്യാം. അതും ജൈവരീതിയിൽ.

ഗ്രോബാഗിൽ ചീരകൃഷി ചെയ്യുമ്പോൾ ധാരാളം വെയിൽ കിട്ടുന്ന സ്ഥലത്ത് ബാഗുകൾ സജ്ജീകരിക്കാം. ചെടികളുടെ വളർച്ചാ കാലത്ത് ആവശ്യമെങ്കിൽ കൂടുതൽ വെയിൽ കിട്ടുന്ന സ്ഥലത്തേക്ക് മാറ്റിവെക്കുകയും ചെയ്യാം. ടെറസ്സ് കൃഷിക്ക് ഏറ്റവും അനുയോജ്യമായ വിളയാണ് ചീര.

മഴക്കാല സീസണിൽ വിത്തുമുളപ്പിക്കലും ചെറിയ തൈകളെ മഴയുടെ ആഘാതത്തിൽ നിന്നു രക്ഷിക്കലുമാണ് രണ്ടു പ്രധാന വെല്ലുവിളികൾ. നേരിട്ടു മഴ പതിക്കാത്ത സൺഷേഡ്/ഇറമ്പിനു കീഴേ ഗ്രോബാഗുകളിൽ ആവശ്യമുള്ളത്ര തൈകൾ വളർത്തി എടുക്കാം. ഏറ്റവും കൂടുതൽ പ്രകാശം കിട്ടുന്നതും എന്നാൽ മഴ നേരിട്ടു പതിക്കാത്തതുമായ സ്ഥലത്ത് ഗ്രോബാഗുകൾ വെക്കാൻ ശ്രദ്ധിക്കുക.

തൈകൾ മഴയെ അതിജീവിക്കാനുള്ള കരുത്തുനേടി എന്നുറപ്പായാൽ പറിച്ചുനടാം. ഏറ്റവും കൂടുതൽ സൂര്യപ്രകാശം കിട്ടുന്ന സ്ഥലത്ത് വെള്ളം കെട്ടിനിൽക്കാത്ത വിധത്തിൽ വാരങ്ങളെടുത്ത് ആവശ്യത്തിന് അടിവളം ചേർത്ത് തയ്യാറാക്കിയശേഷം തൈകൾ 30 സെ.മീ. അകലത്തിൽ നടാം. ഇത്തരത്തിൽ മണ്ണുനിറച്ച് തയ്യാറാക്കിയ ഗ്രോബാഗുകളിലും തൈകൾ നടാം.

ചീരകൃഷിയിൽ ജലസേചനത്തിന്റെ പങ്ക് പ്രധാനപ്പെട്ടതാണ്. ചെടികൾ പൂർണ്ണമായോ, ഇലകൾ മാത്രമായോ വാടി നിൽക്കുന്നതാണ് ജലദൗർലഭ്യത്തിന്റെ ലക്ഷണം. ഈ ലക്ഷണം കാണിക്കുന്ന അവസ്ഥ എത്തുംമുമ്പേ ആവശ്യത്തിന് വെള്ളം കൊടുക്കുക.

മഴക്കാലത്തും പലപ്പോഴും ഒട്ടും മഴയില്ലാത്ത ഇടദിവസങ്ങൾ ഉണ്ടാകും. അത്തരം സന്ദർഭങ്ങളിലും ആവശ്യത്തിനനുസരിച്ച് ജലസേചനം നടത്തണം. മഴക്കാല മാസങ്ങളിൽ വിളവ് വേനൽക്കാല മാസങ്ങളെ അപേക്ഷിച്ചു കുറയും.

ഫിബ്രവരി മുതൽ മെയ് വരെയുള്ള സമയങ്ങളിൽ ചീരയിൽ പുഷ്പിക്കൽ കാലം കൂടിയാണ്. ഈ സമയത്ത് വിളവെടുക്കാൻ വൈകിയാൽ ശാഖാഗ്രത്തിൽ പൂങ്കുല രൂപപ്പെടും. പൂങ്കുല കണ്ടു തുടങ്ങിയാൽ ഉടനെ വിളവെടുക്കണം. പൂക്കളുടെ ഭാഗങ്ങൾ ഭക്ഷ്യാവശ്യത്തിന് ഉപയോഗിക്കാത്തതിനാൽ അത്തരം ഭാഗങ്ങൾ നുള്ളിക്കളഞ്ഞശേഷം വേണം ചീര വിപണനം ചെയ്യാൻ.

കുറെ തവണ വിളവെടുത്തു കഴിയുമ്പോൾ പുതുവളർച്ച സാവധാനത്തിലാവുകയും ഇലകളുടെ വലിപ്പം കുറയുകയും ചെയ്യും. ഈ സമയത്ത് പഴയ ചെടികൾ പറിച്ചു കളഞ്ഞ് ഗ്രോബാഗിൽ പുതിയ മിശ്രിതം നിറച്ചശേഷം ധാരാളം വെയിൽ കിട്ടുന്ന ഏതുസ്ഥലത്ത് കൊണ്ടുവെച്ചും അടുത്ത സെറ്റ് തൈകൾ ഉപയോഗിച്ച് ചീരകൃഷി തുടരാം. പരിചയ സമ്പന്നരായ കൃഷിക്കാർ ഏറ്റവും ആദായകരമായി ചെയ്യുന്ന കൃഷിയാണ് ചീരകൃഷി.

 കടപ്പാട് 

ഡോ.വി.കെ രാജു 

റിട്ട.പ്രൊഫസർ

കേരള കാർഷിക സർവകലാശാല